ءىس-شارا شاھاردىڭ تانىمال تاريحي ورتالىعىندا – حانوك ءداستۇرلى كورەي ۇيىندە وتكەن. ايتا كەتەيىك, بۇل – وڭتۇستىك كورەيا استاناسىندا ەۋرازيا ەلدەرى سۋرەتشىلەرىنىڭ العاشقى كورمەسى. ۇيىمداستىرۋشىلار ءىس-شارانى جىل سايىن وتكىزۋگە نيەتتى ەكەندىكتەرىن ايتتى.
«بۇل كورمە ارقىلى ءبىز ەۋرازيا مەن وڭتۇستىك كورەيا ونەرىنىڭ تىعىز بايلانىسىن كورسەتىپ, مادەني الماسۋدى جانداندىرۋدى قالايمىز. كورەي كەسكىندەمەسىندەگى نەگىزگى بوياۋلار قازاقستاندىق سۋرەتشىنىڭ تۋىندىلارىندا دا بار», دەيدى پروفەسسور چون بو ىن.
«مەن استانادا ءبىر رەت بولدىم. بۇگىن قازاق سۋرەتشىسىنىڭ كارتينالارىمەن تانىسىپ, كەيىن قازاقستانعا ارنايى بارىپ, سۋرەتتەگى اسەم جەرلەردى ءوز كوزىممەن كورمەكپىن. بۇركىتتىڭ سۋرەتى قازاقستان تۋىنداعى بەينەنى ەسىمە ءتۇسىردى. قازاقتىڭ ويۋ-ورنەكتەرى دە وتە ادەمى», دەپ تامساندى كورمەگە كەلگەن كورەرمەن.
ايتا كەتەيىك, سۋرەت كورمەسى جەرگىلىكتى حالىقتى ەۋرازيا ەلدەرىنىڭ مادەنيەتىمەن تانىستىرۋدى ماقسات ەتىپ وتىر.
