Almaty.tv جازعانداي, ول جازاسىن قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەيدى. سۋديا ەكس-شەنەۋنىكتى ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىپ, ءۇش كولىگى مەن الماتى قالاسىنداعى پاتەرىن مەملەكەت مەنشىگىنە تاركىلەۋ تۋرالى ۇكىم شىعاردى.
جەتىسۋ وبلىستىق سوتىنىڭ مالىمەتىنشە, جولدىحانوۆ قاراماعىنداعى بۋحگالتەر مەن سىبايلاستارىنىڭ مەملەكەت قارجىسىن ۇرلاعانىن انىقتاپ, ولاردىڭ قىلمىستىق ارەكەتىن جاسىرۋ ءۇشىن 380 ملن تەڭگە سۇراعان. ولار 200 ميلليون تەڭگەنى كولىك جۇرگىزۋشىسى ارقىلى بەرگەن.
باسشى پارانىڭ قالعان سوماسىن تالاپ ەتكەندە ەسەپشى قۇقىق قورعاۋ ورگاندارىنا جۇگىنىپ, شەنەۋنىك تاعى 80 ملن تەڭگە الۋ كەزىندە قولعا ءتۇستى.
– جولدىحانوۆ قر قك-نىڭ 24-بابىنىڭ 3-بولىگى, 366-بابىنىڭ 4-بولىگىمەن كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ, قىلمىستىق جولمەن تابىلعان قاراجاتقا ساتىپ الىنعان مۇلكى تاركىلەنىپ, 11 جىلعا باس بوستاندىعىنان ايىرۋ جازاسى تاعايىندالىپ, جازاسىن قىلمىستىق اتقارۋ جۇيەسىنىڭ ورتاشا قاۋىپسىز مەكەمەلەرىندە وتەۋ بەلگىلەنسىن, – دەدى سۋديا ادىلەت باقىتوۆ.
– وقتالۋ دەيسىزدەر دە, بىراق 11 جىلعا سوتتاپ وتىرسىزدار. قالاي تۇسىنۋگە بولادى؟ مەنىڭ تاراپىمنان جاسالعان جۇمىستى نەگە ەسكەرمەدىڭىزدەر؟ كىم تەكسەردى؟ پروكۋرور مىرزا, تەكسەردىڭىز بە؟ بولجاۋمەن عانا سوتتاپ وتىر, – دەدى سوتتالۋشى جاندوس جولدىحانوۆ.
