تەلەارنا باعدارلاماسىنىڭ جۇرگىزۋشىسى گۇلميرا جاكيلينا ۋرولوگ مامان ءبىرجان اشكەەۆتەن كەش ۇيلەنۋدىڭ دەنساۋلىققا قانداي زيانى بار ەكەنىن سۇراعان.
- فيزيولوگيا جانە مەديتسينا بويىنشا ۇرپاق قالدىراتىن, ەرلەردىڭ دەنساۋلىعى جاقسى, ال ۇرىعى ساپالى بولاتىن جاس 19-دان 27-گە دەيىن. ەگەر وسى ارالىقتا ادام ۇيلەنىپ, وتباسىن قۇرىپ, بالا جاسايتىن بولسا, ساپالى ۇرپاق قالدىرۋ مۇمكىندىگى جوعارى. 27 جاستان كەيىن السىرەي بەرەدى. گورمون قورى تومەندەيدى, ەركەك ەركەكتىك قاسيەتىن جوعالتا باستايدى. جاسى 30-عا جاقىنداعان ادامنىڭ ەركەكتىك حاريزماسى "جۇمساق" بولىپ كەلەدى. سوندىقتان قىزدارعا بارىپ تانىسۋ قابىلەتى تومەندەيدى. ءبىرىنشى قادام جاساۋ دا گورموندارعا بايلانىستى ازايادى. گورمون دەگەن ادامنىڭ بويىنداعى مىنەزدى قالىپتاستىرادى عوي, ەركەكتىك مىنەزى السىرەي باستاعان ەركەكتى ايەل دە سەزەدى. ايەل ادام ۇنەمى كۇشتى ەركەكتى تاڭدايدى عوي. ال 32 جاستان باستاپ ەر ادامداردىڭ قارتايۋ پروتسەسى باستالادى. سوندىقتان جاس كەزدە, مۇمكىندىك بولسا 27-گە دەيىن ۇيلەنۋ كەرەك. قازىر قوعامدا ۇيلەنۋ جاسى وسكەن سايىن ادامداردىڭ جۇبىن تابۋى قيىنداپ بارا جاتقانى سوندىقتان", - دەپ ءتۇسىندىردى ۋرولوگ مامان.
سونىمەن قاتار, پسيحولوگ قازىر جاستاردىڭ نەگە ۇيلەنۋگە اسىقپايتىنىن ايتىپ, قوعامدا جالعىزدىق سيندرومىنىڭ پايدا بولۋ سەبەپتەرىن اتاپ بەرگەن بولاتىن.
