فوتو: وكق
بۇل تۋرالى مينيستر نۇرجان نۇرجىگىتوۆ قىزىلوردا وبلىسى تۇرعىندارىمەن كەزدەسۋ بارىسىندا ايتتى. ۆەدومستۆو باسشىسىنىڭ مالىمدەۋىنشە, قازىرگى ۋاقىتتا دۇنيەجۇزىلىك بانكتىڭ گرانتى ەسەبىنەن جوبا بويىنشا قاجەتتى قۇجاتتاما ازىرلەنىپ جاتىر.
جوبا ءۇش نەگىزگى باعىتتان تۇرادى:
1) سولتۇستىك ارال مەن سىرداريا وزەنىنىڭ سالاسىنداعى ينفراقۇرىلىمدى دامىتۋ جانە گيدرولوگيالىق جاعدايىن جاقسارتۋ;
2) قىزىلوردا وبلىسىنداعى تۇراقتى ەكونوميكالىق, الەۋمەتتىك جانە ەكولوگيالىق جاعدايدى قولداۋ;
3) سۋ رەسۋرستارىن باسقارۋدىڭ اقپاراتتىق بازاسى مەن جۇيەلەرىن جاڭارتۋ.
جوبانىڭ ءبىرىنشى كەزەڭىنىڭ قورىتىندىسى بويىنشا كوكارال بوگەتى سالىنعان جانە سولتۇستىك ارالداعى سۋ كولەمى 27,1 ملرد تەكشە مەترگە جەتكەن.
«ەكىنشى كەزەڭ سۋ رەسۋرستارىن باسقارۋدى جاقسارتۋعا, بالىق شارۋاشىلىعى مەن ەكوتۋريزمدى دامىتۋعا, ءوڭىردىڭ ەكولوگيالىق جاعدايىن جاقسارتۋعا جانە سولتۇستىك ارال تەڭىزىندە سۋ جيناقتاۋدىڭ كولەمى مەن تيىمدىلىگىن ارتتىرۋعا ارنالعان», دەدى مينيستر.
