فوتو:depositphotos.com
تالقىلاۋعا پارلامەنت دەپۋتاتتارى, پەتيتسيانىڭ باستاماشىسى, قوعامدىق بىرلەستىكتەر مەن ساراپتامالىق قاۋىمداستىق وكىلدەرى, دەنساۋلىق ساقتاۋ, ەنەرگەتيكا, اۋىل شارۋاشىلىعى, كولىك, توتەنشە جاعدايلار, ەڭبەك جانە الەۋمەتتىك قورعاۋ, ساۋدا جانە ينتەگراتسيا مينيسترلىكتەرى مەن باسقا دا مەملەكەتتىك ورگاندار قاتىستى.
پەتيتسيا اۆتورىنىڭ ءبىرىنشى تالقىلاۋ وتىرىسىندا جولداعان ساۋالدارىنا سالا ماماندارى جاۋاپ بەردى.
سونداي ماڭىزدى تاقىرىپتىڭ ءبىرى - «بىرىڭعاي ۋاقىت بەلدەۋى: جول اپاتىنىڭ كوبەيۋىنە اسەر ەتتى مە؟»
ىشكى ىستەر مينيسترلىگىنىڭ دەپارتامەنت باستىعىنىڭ ورىنباسارى قايرات راۋشانوۆتىڭ ايتۋىنشا, ۋاقىت وزگەرىسى جول-كولىك وقيعاسىنا ايتارلىقتاي اسەر ەتپەگەن.
«سوڭعى ءۇش جىلدا جول-كولىك وقيعالارىنىڭ سانى ءبىرشاما وسكەن. تالداۋ كورسەتكەندەي, بىرىڭعاي ۋاقىت بەلدەۋىنە كوشۋ جكو ديناميكاسىنا ايتارلىقتاي اسەر ەتپەدى. جكو-نىڭ نەگىزگى سەبەپتەرى – جول ءجۇرۋ ەرەجەلەرىن بۇزۋ, جولداردىڭ جاعدايى, كولىك قۇرالدارىنىڭ تەحنيكالىق جاعدايى, اۋا رايى جاعدايلارى جانە ادامي فاكتور. 2024 جىلدىڭ العاشقى التى ايىندا كامەلەتكە تولماعاندار اراسىنداعى قىلمىستاردىڭ ازايۋى تىركەلدى», دەدى ول.
