فوتو: تۋريزم جانە سپورت مينيسترلىگى
قازاقستان تاۋەلسىزدىك جىلدارىنان بەرى وسىمەن سەگىزىنشى رەت جازعى وليمپياداعا قاتىسپاق. ءىس-شارادا تۋريزم جانە سپورت ءمينيسترى ەرمەك مارجىقپاەۆ سپورتشىلار جانە جاتتىقتىرۋشىلار قۇرامىمەن اڭگىمەلەسىپ, الداعى جارىستارعا ساتتىلىك تىلەدى.
«سىزدەردىڭ الدارىڭىزدا ەلىمىزدى پاريج وليمپياداسىندا تانىستىرۋ, ەل نامىسىن ابىرويمەن قورعاۋ سياقتى ماڭىزدى ءارى وتە جاۋاپتى مىندەت تۇر. سىزدەردىڭ چەمپيوندىق مىنەزدەرىڭىز, تاباندىلىقتارىڭىز, جەڭىسكە دەگەن ەرىك-جىگەرلەرىڭىز, وسى كۇنگە دەيىن جيعان تاجىريبەلەرىڭىز, جاتتىقتىرۋشىلاردىڭ, دارىگەرلەردىڭ, ماسساج جاساۋشىلاردىڭ قاجىرلى ەڭبەگىنىڭ ارقاسىندا ۇلكەن ناتيجەگە جەتەتىنىمىزگە سەنىمدىمىن», دەدى ەرمەك مارجىقپاەۆ.
ايتا كەتەيىك, تورتجىلدىقتىڭ باستى دوداسى 26 شىلدە مەن 11 تامىز ارالىعىندا پاريج قالاسىندا وتەدى. فرانتسيا استاناسىندا قازاقستان قۇراماسى ساپىنان 80 اتلەت سپورتتىڭ 25 تۇرىنەن باق سىنايدى.
