كەزدەسۋ بەيرەسمي جاعدايدا ءوتتى. شارانىڭ تىزگىنىن دە وقۋشىلار ءوز قولدارىنا الدى. جاس فيزيكتەر, ماتەماتيكتەر, ينفورماتيكتەر, ارحيتەكتورلار, سۋرەتشىلەر, ەكولوگتار مەن سپورتشىلار ەلوردا باسشىسىنا وزدەرىنىڭ تابىستارى مەن جەتىستىكتەرى جايىندا اڭگىمەلەپ, بولاشاق جوسپارلارىمەن ءبولىستى.
№6 گيمنازيانىڭ وقۋشىسى, وڭتۇستىك كورەيادا وتكەن «جاس عالىم» عىلىمي جوبالار كونكۋرسىنىڭ گران-پري يەگەرى, «ۇزدىك يننوۆاتسيالىق ەڭبەك» سىيلىعىنىڭ يەگەرى ايدا ۇمىربەكوۆا ءوزىنىڭ «ەكوقالا» جوباسىن تانىستىردى. «استانا – مەنىڭ قالام! مەن ونىڭ ەڭ اسەم, تازا, جايناعان قالا بولعانىن قالايمىن. مەنىڭ جوبام «ەكوقالا» دەپ اتالادى. وندا مەن ەنەرگيانى جەلدەن جانە كۇننەن الۋ جولدارىن قولداندىم», – دەدى ول.
№6 گيمنازيانىڭ وقۋشىسى, گەوگرافيادان رەسپۋبليكالىق وليمپيادانىڭ جانە عىلىمي جوبالار كونكۋرسىنىڭ جۇلدەگەرى ءانۋار ءابدىراحمانوۆ ءوزىنىڭ «بىرىڭعاي ەنەرگو-اقپاراتتىق جۇيەسى» زەرتتەۋىن تانىستىردى. ال №66 مەكتەپ-ليتسەيدىڭ وقۋشىسى, «التىن ميكروفون» (فرانتسيا) حالىقارالىق كونكۋرسىنىڭ گران-پري يەگەرى دانيا يشانقۇلوۆا ۇلتتىق جەتىگەن اسپابىندا پوپۋرري ورىنداپ بەردى. گەوگرافيادان رەسپۋبليكالىق وقۋشىلار وليمپياداسىنىڭ جەڭىمپازى, قر قۇراماسىنىڭ مۇشەسى ارتەم رىچكو ادىلبەك جاقسىبەكوۆتەن وزىمەن بىرگە سەلفيگە تۇسۋگە رۇقسات سۇراپ, سول ءۇشىن «دوستارىمەن باستەسكەنىن ايتتى». ارتەم بۇل باستە جەڭدى. اكىم قىزىققا تولى كەزدەسۋ ءۇشىن بالالارعا العىسىن ءبىلدىرىپ, ولاردىڭ كوپتەگەن سۇراقتارىنا جاۋاپ بەردى. جانە سپورتپەن, دەنە شىنىقتىرۋمەن شۇعىلدانۋ – ولاردىڭ دەنساۋلىعى مەن بولاشاعىنا اسەرى مول بولاتىنىن ەستەرىنە سالدى.
قالا اكىمى جاس جەڭىمپازداردى قول جەتكىزگەن ناتيجەمەن شەكتەلمەي, ودان ءارى العا باسۋعا شاقىردى. – ءبىزدىڭ جاستاردىڭ اراسىندا بيلل گەيتس سياقتى يننوۆاتورلار, اباي قۇنانباي ۇلى سياقتى فيلوسوفتار, قانىش ساتباەۆ سياقتى عالىمدار, مۇحتار اۋەزوۆ سياقتى جازۋشىلار ءجۇرۋى ابدەن مۇمكىن. سەندەردىڭ وقىپ, ءبىلىم الۋلارىڭ ءۇشىن, جەتىلىپ, دامۋلارىڭ ءۇشىن بارلىق مۇمكىندىكتەر جاسالىپ جاتىر.
ەلباسىنىڭ تاپسىرماسىنا سايكەس بىرەگەي وقۋشىلار سارايى سالىندى, ءبىلىم بەرۋ گرانتتارىنىڭ سانى ارتتى, شاكىرتاقىنىڭ كولەمى ۇلعايدى, الەمدىك دەڭگەيدەگى ۋنيۆەرسيتەت بوي كوتەردى, ينتەللەكتۋالدى مەكتەپتەر سالىندى, «بولاشاق» باعدارلاماسى قابىلداندى, بۇل باعىتتا ءالى دە قىرۋار جۇمىستار جۇرگىزىلە بەرەتىن بولادى. سەندەر ءبىزدىڭ ەلوردانىڭ جارقىن وكىلىسىڭدەر, ەل سەندەرمەن ماقتانۋى كەرەك. بۇگىنگى تاڭدا 67 مىڭنان استام استانالىق وقۋشىلار ءتۇرلى دەڭگەيدەگى عىلىمي-شىعارماشىلىق سايىستار مەن وليمپيادالارعا قاتىسۋدا. استانا قالاسىنىڭ وقۋشىلارىنان قۇرالعان توپ 7 جىل قاتارىنان ءبىرىنشى ورىندار مەن اتاقتارعا يە بولىپ كەلەدى. وعان قوسا, جاقىندا وتكەن و.جاۋتىكوۆ اتىنداعى حالىقارالىق وليمپيادادا ءبىزدىڭ بالالار ماتەماتيكا مەن فيزيكادان, ينفورماتيكادان جۇلدەلى ورىندارعا يە بولدى. سەندەردىڭ بولاشاقتارىڭنىڭ جارقىن بولۋى – بۇل قالامىزدىڭ, تۇتاس ەلىمىزدىڭ جارقىن بولاشاعىنىڭ كەپىلى, – دەدى كەزدەسۋ قورىتىندىسىندا قالا اكىمى.
«ەگەمەن-اقپارات».
