سپورت • 14 شىلدە, 2024

رىباكينا 2024 جىلعى چەمپيوندىق جارىس بويىنشا الەمنىڭ ەكىنشى راكەتكاسى بولدى

231 رەت
كورسەتىلدى
1 مين
وقۋ ءۇشىن

قازاقستان اتىنان شىعىپ جۇرگەن تەننيسشى ەلەنا رىباكينا WTA چەمپيوندىق جارىسى بويىنشا ەكىنشى ورىنعا كوتەرىلدى. بۇل تۋرالى Egemen.kz قازاقستان تەننيس فەدەراتسياسىنا سىلتەمە جاساپ حابارلايدى.

رىباكينا 2024 جىلعى چەمپيوندىق جارىس بويىنشا الەمنىڭ ەكىنشى راكەتكاسى بولدى

رىباكينا جىل باسىنان بەرى 4901 ۇپاي جينادى. وتانداسىمىز ۋيمبلدوننىڭ ءفيناليسى يتاليالىق ياسمين ءپاولينيدى باسىپ وزدى, ونىڭ ەنشىسىندە 4505 ۇپاي بار. ال پولشالىق يگا شۆەنتەك 7465 ۇپايمەن كوش باستاپ تۇر.

ايتا كەتەيىك, WTA چەمپيوندىق جارىسى – بۇل ماۋسىمنىڭ ەڭ ۇزدىك سەگىز تەننيسشىسى قاتىساتىن جىلدىڭ قورىتىندى ءتۋرنيرى. بيىلدان باستاپ 2026 جىلعا دەيىن تۋرنير ەر-ريادتا (ساۋد ارابياسى) وتەدى. 2024 جىلى جارىس 2-9 قاراشا ارالىعىندا وتەدى. جۇلدە قورى رەكوردتىق 15,25 ميلليون دوللاردى قۇرايدى.

ەستەرىڭىزگە سالا كەتەيىك, رىباكينا ۋيمبلدون-2024 جارتىلاي فينالىنا جەتىپ, ءتۋرنيردىڭ بولاشاق چەمپيونى چەحيالىق باربورا كرەيچيكوۆادان جەڭىلىپ قالدى.

ال WTA رەيتينگى بويىنشا ەلەنا رىباكينا 4-ورىندا تۇر. ەنشىسىندە 6376 ۇپاي بار. ءۇشىنشى ورىندا – 7061 ۇپايمەن ارينا سوبولەنكو. ەكىنشى ورىندا 8173 ۇپايمەن كوكو گوفف تۇر. ال كوش باسىندا – 11285 ۇپايمەن يگا شۆەنتەك.

سوڭعى جاڭالىقتار