بۇعان دەيىن وليمپيادا چەمپيونى باقتيار ارتاەۆ گولوۆكيننىڭ 20-25 ملن تەڭگە شاماسىندا جالاقى الىپ وتىرعانى تۋرالى ايتقان بولاتىن. YouTube-كانالداردىڭ بىرىنە سۇحبات بەرگەن ول الەكساندر ۆينوكۋروۆتىڭ دا تابىسى از ەمەس ەكەنىن, ايىنا 100 مىڭ ەۋرو الىپ وتىرعانىن جەتكىزەدى.
وسى مالىمدەمەدەن كەيىن ۇوك باس حاتشىسى جانار وتەشوۆا ارتاەۆتىڭ جالا جاپقانىن ايتىپ, گولوۆكيننىڭ اتالعان لاۋازىمدا مۇلدەم جالاقى المايتىنىن مالىمدەدى.
ال, جالعان اقپارات تاراتقان ەكس-بوكسشىنى ەندى سوتقا سۇيرەۋى مۇمكىن.
«ۇوك پرەزيدەنتىنە ەشقانداي جالاقى قاراستىرىلماعان, ول ەرىكتى رەتىندە تەگىن جۇمىس ىستەيدى. پرەزيدەنتتىككە كىرىسكەندە گەننادي گەننادەۆيچ بىردەن ۇوك-ءتىڭ مەملەكەتتىك بيۋدجەتپەن جۇمىس ىستەمەيتىنىن اشىق ايتتى», - دەپ جازدى وتەشوۆا ءوزىنىڭ Instagram-پاراقشاسىندا.
ونىڭ ايتۋىنشا, ۇلتتىق وليمپيادا كوميتەتى قازىر بىلىكتى زاڭگەرلەر جالداپ, اتالعان ماسەلەنى سوت ارقىلى شەشپەكشى ەكەن. «مۇنىڭ سالدارى مىندەتتى تۇردە بولادى», - دەپ ءسوزىن ءتۇيدى ۇوك ۆيتسە-پرەزيدەنتى.
