ال قازاقستاندىقتاردىڭ سانى بولجام بويىنشا 2050 جىلعا قاراي شامامەن 26,5 ملن, 2100 جىلعا قاراي 33,7 ملن بولۋى ءتيىس.
ال ۇيىمنىڭ بايانداماسىنا سەنسەك, بۇل كورسەتكىش 2100 جىلعا قاراي 10,2 ملرد-قا دەيىن تومەندەيتىن كورىنەدى.
ءبىرىنشى كرەديت بيۋروسى بۇۇ بايانداماسىنا تالداۋ جاساي وتىرىپ, كەي مەملەكەتتەردە حالىق سانى 2024 جىلعا قاراي ەڭ جوعارى دەڭگەيگە جەتكەنىن, الايدا وسىدان باستاپ ونداعى ادام سانى بىرتىندەپ ازاياتىنىن ايتادى. ونداي ەلدەردىڭ ىشىندە مىسالى, كورشىلەرىمىز رەسەي مەن قىتاي بار.
بۇل ءۇردىس تۋ كورسەتكىشىنىڭ تومەندەۋىنە بايلانىستى. كوشى-قونسىز حالىقتىڭ تۇراقتى سانىن ۇستاپ تۇرۋ ءۇشىن ءبىر ايەلگە شاققانداعى تۋ كورسەتكىشى 2,1-دەن تومەن بولماۋى كەرەك, ال الەم ەلدەرى مەن ايماقتارىنىڭ شامامەن 20 پايىزىندا بۇل مەجە قازىر – ءبىر ايەلگە 1,4-تەن تومەن.
دەگەنمەن قازاقستاندا ءدال وسى كوەففيتسيەنت قازىر 3-كە جاقىن, ال بولاشاقتا حالىق سانى تەك كوبەيە بەرەدى.
بۇۇ بولجامى بويىنشا قازاقستاندىقتاردىڭ سانى 2050 جىلعا قاراي – شامامەن 26,5 ملن, 2100 جىلعا قاراي – 33,7 ملن بولادى.
قازىر, 2024 جىلى بۇۇ ەسەپتەگەندەي, بىزدە ءومىر ءسۇرۋ ۇزاقتىعى – 74,5 جىل, بۇل جاھاندىق دەڭگەيدەن جوعارى (73,3 جاس).
جالپى, بۇل كورسەتكىش بىزدە دە, الەمدە دە ءوسىپ جاتىر: مىسالى 30 جىل بۇرىن ول – 64,1 جاس, جاھاندىق دەڭگەيدە – 64,3 جاس بولاتىن.
جاسى كەلىپ قارتايىپ ومىردەن وتەتىندەردىڭ سانى كوبەيدى.
1995 جىلى دۇنيە جۇزىندەگى ءولىم-ءجىتىمنىڭ تەك 17 پايىزى 80 جاستان اسقان قارتتارعا تيەسىلى ەدى.
2024 جىلى بۇل ۇلەس 29% جەتتى, ال 2050 جىلداردىڭ اياعىندا 50%-دان اسادى.
