ۆەدومستۆو باسشىسىنىڭ مالىمەتىنشە, ەڭ الدىمەن, جۇمىستاردى جوسپارلاۋدان باستاپ ولاردى قابىلداۋعا دەيىنگى بارلىق قۇرىلىس پروتسەستەرى زەردەلەنەتىن بولادى, نقا مەن قنجە جەمقورلىق نورمالارىنا, قاقتىعىستار مەن ولقىلىقتارعا تەكسەرۋ جۇرگىزىلدى.
اگەنتتىكتىڭ قىلمىستىق-قۇقىقتىق تاجىريبەسى كورسەتكەندەي, جسق قۇنىن اسىرا باعالاۋ ورىن الۋدىن جانە ساپاسىز ماتەريالدار, جابدىقتار مەن تەحنولوگيالار پايدالانىلاتىنىن كورسەتەدى.
جۇمىستى تولىق كولەمدە ورىندامايتىن ۇلەستەس جانە جوسىقسىز كومپانيالار تارتىلعان. جالپى, سوڭعى 3,5 جىلدا سىبايلاس جەمقورلىققا قارسى قىزمەت 65 جەمقورلىق قۇقىق بۇزۋشىلىقتى تىركەدى, ولار بويىنشا زالال شامامەن 9 ملرد تەڭگەنى قۇرادى.
جۇمىستىڭ ەكىنشى باعىتى – جولداردىڭ اعىمداعى قۇرىلىسىنا مونيتورينگ جۇرگىزۋ.
بۇكىل ەل بويىنشا 2 ترلن تەڭگەدەن استام قارجى بولىنگەن 217 ۋچاسكە قامتىلدى.
اگەنتتىكتىڭ ەرەكشە باقىلاۋىمەن 12 اۋقىمدى جوبا بار.
ولاردىڭ ارقايسىسىنا جەرگىلىكتى جەرلەردە جۇمىستى ۇيلەستىرەتىن جاۋاپتى تۇلعالار بەكىتىلدى, - دەدى ول.
بارلىق وڭىردە قوعام بەلسەندىلەرى, سونداي-اق وسى سالاداعى ساراپشىلار كىرەتىن مونيتورينگتىك توپتار قۇرىلدى.
قازىردىڭ وزىندە تالداۋ بارىسىندا بۇزۋشىلىقتار انىقتالۋدا.
ماسەلەن, 5 وڭىردە 4,8 ملرد تەڭگە سوماسىنا ارتىق جانە قايتالاما جۇمىستاردى قوسۋ جولىمەن سمەتالاردى اسىرا باعالاۋ انىقتالدى, ال 6 وڭىردە جۇرگىزىلەتىن جۇمىستاردى ءتيىمسىز جوسپارلاۋ بەلگىلەندى.
مىسالى, اباي وبلىسىندا 20 ملن تەڭگەگە شۇڭقىرلى جوندەۋ جۇرگىزىلگەننەن كەيىن, سول ۋچاسكەدە 1 ملرد تەڭگەگە اعىمداعى جوندەۋ جۇرگىزىلۋدە, - دەپ قوستى جۇماعالي.
تالداۋ قورىتىندىلارى تۋرالى پرەزيدەنت پەن جۇرتشىلىق حاباردار ەتىلەدى.
