مادەنيەت جانە اقپارات مينيسترلىگى ءباسپاسوز قىزمەتىنىڭ مالىمەتىنشە, تۇركسوي مەن تۇركيانىڭ بۋرسا قالاسىنىڭ اكىمدىگى بىرلەسە ۇيىمداستىرعان بايقاۋعا تۇركىتىلدەس ەلدەردىڭ ۇزدىك ۇلتتىق جانە بي ۇجىمدارى قاتىسادى.
«بىرلىك» ءانسامبلى بايقاۋدا «قامشىگەر», «جىگەر», «كۇي شاشۋ» اتتى حورەوگرافيالىق كومپوزيتسيالاردى ۇسىنباق. سونداي-اق ءانسامبلدىڭ كوركەمدىك جەتەكشىسى انەل ماراباەۆا «شارا» اتتى جەكە كومپوزيتسياسىن ورىندايدى.
«بىرلىك» ءان-بي ءانسامبلى – ەلىمىزدىڭ مادەني بايلىعىن كورسەتەتىن بىرلىك پەن ۇيلەسىمنىڭ نىشانىنا اينالعان ۇجىم. انسامبل ونەر الەمىندە ءوزارا قۇرمەت, بىرلىك پەن تاتۋلىق سىندى قۇندىلىقتاردى ناسيحاتتاي وتىرىپ, قازىرگى قوعامداعى اتالعان قۇندىلىقتاردىڭ ماڭىزىن مادەنيەت پەن ونەر ارقىلى كوپشىلىككە جەتكىزۋدى ماقسات ەتەدى.
