قازاقستان تەننيسشىسى جارتىلاي فينالدا الەمنىڭ 32-راكەتكاسى, چەحيالىق باربورا كرەيچيكوۆامەن باسەكەگە تۇسكەن.
قارسىلاستار وسىعان دەيىن 2021 جىلى اۋستراليادا مەلبۋرندا جانە 2022 جىلى چەحيانىڭ وستراۆاسىندا WTA 500 تۋرنيرىندە كەزدەسىپ, ەكەۋىندە دە كرەيچيكوۆا كامبەك جاساپ, جەڭىسكە جەتكەن.
رىباكينانىڭ سپورتتىق جولىنداعى ەڭ ءىرى تابىسى ۋيمبلدونمەن بايلانىستى ەكەندىگى بەلگىلى. 2022 جىلى فينالدا تۋنيستىك ونس جابەردى سۇرىندىرگەن رىباكينا قازاقستاندىقتار اراسىنان العاش رەت جەكەلەي سىندا جەڭىس تۇعىرىنا كوتەرىلدى.
ب.كرەيچيكوۆا 28-دە بولسا, قازاقستاندىق تەننيسشى 25 جاستا.
بۇل جولى ەلەنا ماتچتى ءساتتى باستادى – 4:0. كرەيچيكوۆا قايىرا برەيك جاساعانىمەن, ەسەپتى 5:1-گە جەتكىزدى. اقىرى ءسال كىدىرگەنىمەن, سەتتى الدى – 6:3.
ەكىنشى پارتيادا ەسەسىنە باربورا 5:2 ەسەبىمەن العا كەتتى. اقىرى التىنشى سەتبولىن پايدالاندى – 6:3.
ءۇشىنشى, شەشۋشى سەتتە ەسەپ 3:3 بولعان مەزەتتە كرەيچيكوۆا برەيك جاساپ كەتتى – 4:3. اقىرى ماتچقا دوپ بەرگەندە, مۇمكىندىگىن جىبەرگەن جوق – 6:4.
ەكى ساعات 8 مينۋتقا سوزىلعان تارتىستى باسەكە بارىسىندا رىباكينا 8 ەيسپەن بىرگە 9 برەيك-پوينتتىڭ تەك ۇشەۋىن پايدالاندى. كرەيچيكوۆا 4 ەيس جاساپ, 6 برەيك-پوينتتىڭ تورتەۋىن ءوز ەسەبىنە جازدى. وسىلايشا, چەحيالىق تەننيسشىمەن ماتچتى جاقسى باستاعانىمەن, رىباكينا ودان ءۇشىنشى رەت جەڭىلىس تاپتى.
