فوتو: استانا اكىمدىگى
اتالعان كلۋب زەينەتكەرلەرگە ەرەكشە مۇمكىندىكتەر بەرەدى. اتاپ ايتقاندا, مۇندا اجەلەرىمىز ءارتۇرلى ءىس-شارالارعا قاتىسىپ, ومىرلىك تاجىريبەلەرىن بولىسە الادى.
«اجەلەر توبى» كلۋبىنىڭ اشىلۋىنا قولونەر ۇيىرمەسىنىڭ جەتەكشىسى بالىم ومىرزاقوۆا مۇرىندىق بولدى. ورتالىقتا قولونەر ۇيىرمەسى 2 جىلدان استام ۋاقىت جۇمىس ىستەپ كەلەدى. ايتا كەتەيىك, بالىم ساپارحانقىزىنان 300-دەن اسا اق جاۋلىقتى اجە ءدارىس العان.
بۇگىن ۇيىرمەگە جينالعاندارعا ارناپ «ورامال تون بولمايدى, جول بولادى» اتتى شەبەرلىك ساعاتى ءوتتى. كلۋبتىڭ جاڭا مۇشەلەرى ورامال تىگۋدىڭ سىر-قىرىن ۇيرەندى. بەس ساۋساعىنان ونەر تامعان اجەلەرىمىز مۋزىكالىق ونەرلەرىن دە ورتاعا سالدى.
اجەلەرىمىز الداعى ۋاقىتتا كلۋب جۇمىسىن دامىتۋدى جوسپارلاپ, ۇرپاقتار ساباقتاستىعىن جالعاستىرۋ ءۇشىن جاستارمەن قارىم-قاتىناس جاساۋعا جانە تاجىريبە الماسۋعا جاعداي جاسايتىنىن ايتتى.
ايتا كەتەيىك, بايقوڭىر اۋدانىنىڭ ءبۇوسو قالا زەينەتكەرلەرىنە تەگىن قىزمەت كورسەتەدى. زەينەت جاسىنداعى ادامداردىڭ قىزىعۋشىلىعىنا قاراي كلۋبتار, يوگا, پسيحولوگ ترەنينگتەرى, قولونەر ۇيىرمەلەرى, قازاق جانە اعىلشىن ءتىلى ساباقتارى, ۇستەل ويىندارى مەن مادەني-ويىن-ساۋىق ءىس-شارالارى ۇيىمداستىرىلادى.
