فوتو: gov.kz
وسىعان بايلانىستى, 2014 جىلعى 26 جەلتوقساندا قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى جاڭا ستراتەگياسى بەكىتىلدى. اتالعان ستراتەگيانىڭ ماقساتى مەملەكەتتىڭ سىبايلاس جەمقورلىققا قارسى ساياساتىنىڭ تيىمدىلىگىن ارتتىرۋ, سىبايلاس جەمقورلىقتىڭ كەز كەلگەن كورىنىستەرىنە «نولدىك» توزىمدىلىك اتموسفەراسىن قۇرۋ ارقىلى بۇكىل قوعامدى سىبايلاس جەمقورلىققا قارسى قوزعالىسقا تارتۋ جانە مەملەكەتىمىزدە سىبايلاس جەمقورلىقتىڭ دەڭگەيىن تومەندەتۋ بولىپ تابىلادى. سىبايلاس جەمقورلىققا قارسى ءىس-قيمىلدىڭ نەگىزگى باعىتتارى:
- مەملەكەتتىك قىزمەت سالاسىنداعى سىبايلاس جەمقورلىققا قارسى ءىس-قيمىل;
- كۆازيمەملەكەتتىك جانە جەكە سەكتورداعى سىبايلاس جەمقورلىققا قارسى ءىس-قيمىل;
- قوعامدىق باقىلاۋ ينستيتۋتىن ەنگىزۋ;
- قۇقىق قورعاۋ جانە سوت ورگاندارىندا سىبايلاس جەمقورلىقتىڭ الدىن-الۋ;
- سىبايلاس جەمقورلىققا قارسى مادەنيەت دەڭگەيىن قالىپتاستىرۋ;
- سىبايلاس جەمقورلىققا قارسى ءىس-قيمىل ماسەلەلەرى بويىنشا حالىقارالىق ىنتىماقتاستىقتى دامىتۋ.
سىبايلاس جەمقورلىققا قارسى توتەپ بەرۋ ءۇشىن كەلەسىدەي نەگىزدەمەلەر بويىنشا جۇزەگە اسىرىلادى:
- زاڭ مەن سوت الدىنداعى بارلىعىنىڭ تەڭدىگى;
- جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىن, سونداي-اق مەملەكەتتىڭ الەۋمەتتىك-ەكونوميكالىق, ساياسي-قۇقىقتىق, ۇيىمدىق-باسقارۋ جۇيەلەرىن قورعاۋ باسىمدىعى;
- جەكە جانە زاڭدى تۇلعالاردىڭ بۇزىلعان قۇقىقتارى مەن زاڭدى مۇددەلەرىن قالپىنا كەلتىرۋ, سىبايلاس جەمقورلىق قۇقىق بۇزۋشىلىقتاردىڭ زياندى سالدارىن جويۋ جانە الدىن الۋ;
- كاسىپكەرلىك قىزمەتتى مەملەكەتتىك رەتتەۋگە وكىلەتتىكتەردى وسىنداي قىزمەتتى جۇزەگە اسىراتىن جەكە جانە زاڭدى تۇلعالارعا بەرۋگە, سونداي-اق ونى باقىلاۋ مەن قاداعالاۋعا جول بەرىلمەيدى;
- مەملەكەتتىك ورگانداردىڭ قىزمەتىن ناقتى قۇقىقتىق رەگلەمەنتتەۋدى, وسى قىزمەتتىڭ زاڭدىلىعى مەن جاريالىلىعىن, وعان مەملەكەتتىك جانە قوعامدىق باقىلاۋدى قامتاماسىز ەتۋ.
جوعارىداعىلاردى قورىتىندىلاي كەلە, سىبايلاس جەمقورلىققا قارسى ءىس-قيمىل ماقساتىنا قول جەتكىزۋ ءۇشىن سىبايلاس جەمقورلىق قۇقىق بۇزۋشىلىقتارعا توتەپ بەرەتىن تەتىكتەردى قولدانا وتىرىپ, ءوز-ءوزىمىزدىڭ الدىمىزدا شىنشىل بولۋعا, ءوسىپ كەلە جاتقان ۇرپاقتىڭ ساناسىنا دۇرىس ويدى توقۋعا كۇش سالۋىمىز كەرەك. بىرىگىپ سىبايلاس جەمقورلىققا توتەپ بەرۋ ءاربىرىمىزدىڭ مىندەتىمىز.
ايدىن ادەنوۆ,
قازاقستان رەسپۋبليكاسىنىڭ سوت اكىمشىلىگى
اسكەري سوتى دەپارتامەنتىنىڭ
ىشكى قاۋىپسىزدىك ءبولىمىنىڭ باس مامانى
