استانا اكىمدىگى تۇلەكتەردىڭ وقۋ اقىسىن تولەپ بەرەدى

جىل سايىنعى داستۇرگە ساي استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى تۇلەكتەرگە قالانىڭ جوعارى وقۋ ورىندارىندا كۇندىزگى وقۋ نىسانىن تولەۋگە الەۋمەتتىك كومەك كورسەتەدى.

قۇجات قابىلداۋ ناۋقانى 1 شىلدەدە باستالىپ, 23 تامىزدا اياقتالادى.

الەۋمەتتىك كومەك استانا تۇلەكتەرىنىڭ كەلەسى ساناتتارىنا كورسەتىلەدى:

• جەتىم بالالار;
• بالالار ءۇيىنىڭ تۇلەكتەرى;
• بالا كەزىنەن مۇگەدەكتىگى بار ادامدار;
• اتا-اناسىنىڭ قامقورلىعىنسىز قالعان بالالار;
• كوپ بالالى وتباسىلاردان شىققان بالالار (ونىڭ ىشىندە وسى جىلى ۇلكەن بالا - كامەلەتكە تولعان كەزدە ءبىلىم بەرۋ ۇيىمدارىنا كۇندىزگى وقۋ نىسانىنا تۇسكەنگە دەيىن);
• اسىراۋشىسىنان ايرىلۋ جاعدايى بويىنشا مەملەكەتتىك جاردەماقى الاتىن ازاماتتار.

الەۋمەتتىك كومەك الۋعا نيەتتى تۇلەك وتىنىشپەن بىرگە, كەلەسى قۇجاتتاردى قوسا ۇسىنۋى قاجەت: 

1) جەكە باسىن كۋالاندىراتىن قۇجات;
2) جيىنتىق تابىستى ەسەپتەۋ قاعيدالارىنا سايكەس ادامنىڭ (وتباسى مۇشەلەرىنىڭ) تابىستارى تۋرالى مالىمەتتەر;
3) اتا-اناسىنىڭ قايتىس بولۋى تۋرالى كۋالىكتىڭ كوشىرمەسى (جەتىم بالالار ءۇشىن);
4) كوپ بالالى وتباسىنىڭ مارتەبەسىن راستايتىن قۇجاتتىڭ كوشىرمەسى (كوپ بالالى وتباسىلاردان شىققان بالالار ءۇشىن);
5) تۋ تۋرالى كۋالىكتىڭ كوشىرمەسى (جەتىم بالالار ءۇشىن);
6) استانا قالاسىنىڭ ورتا مەكتەبىن بىتىرگەنى تۋرالى اتتەستات;
7) ۇلتتىق بىرىڭعاي تەستىلەۋ ناتيجەلەرى بويىنشا بەرىلگەن مەملەكەتتىك سەرتيفيكات.
8) ەكىنشى دەڭگەيدەگى بانكتەگى نە «قازپوشتا» اكتسيونەرلىك قوعامىنداعى بانكتىك شوتتىڭ ءنومىرى تۋرالى مالىمەتتەر.

الەۋمەتتىك كومەكتىڭ مولشەرى جان باسىنا شاققانداعى ورتاشا تابىسى وتباسىنىڭ ءبىر مۇشەسىنە شاققاندا 4 كۇنكورىس دەڭگەيىنەن اسپايتىن اقشالاي تولەم تۇرىندە تاعايىندالادى.

اكىمدىك ەڭبەك نارىعىندا سۇرانىسقا يە 36 ماماندىق بويىنشا تولەم جاسايتىنىن ايتا كەتۋ كەرەك.