ءبىر مەزەتتە قالامگەرلەر اللەياسى ارقا-جارقا بولدى دا قالدى. «مازمۇنداما», «Kitapal» قاتارلى تاعى بىرنەشە باسپا مۇندا شاتىر تىگىپ, ونىمدەرىن قويىپ, كىتاپ جارمەڭكەسى اشىق اسپان استىندا قىز-قىز قاينادى. اشىلعانداعى مەرەكەلىك كونتسەرت ءسان-سالتاناتىمەن اللەياداعى جۇرتشىلىقتى دۋمانعا بولەپ, كوڭىلدەرىن كوتەردى. كونتسەرت كورۋگە كەلمەگەن حالىق. كىتاپ الۋعا, اۆتورلارمەن كەزدەسۋگە جينالعان. نەگىزىنەن بالالارعا ارنالعان ادەبيەتتەر توپتاستىرىلعان. باسقا دا ادەبيەتتەر جەتكىلىكتى. «حالىق كىتاپ وقىمايدى» دەگەن ءسوز وسىنداي كىتاپ جارمەڭكەلەرىندە تەرىسكە شىعادى دەسەك, ارتىق ەمەس.
«Kitaphana fest» كىتاپ فەستيۆالى – 2019 جىلدان بەرى وتكىزىلىپ كەلە جاتقان قالالىق اۋقىمداعى تۇڭعىش كىتاپ فەستيۆالى. بۇگىنگى تاڭدا فەستيۆال اياسىندا قازاقستانعا بەلگىلى اۆتورلار مەن باسپالاردىڭ قاتىسۋىمەن بىرنەشە كىتاپتىڭ تۇساۋى كەسىلىپ, وقىرمانعا تانىستىرىلعان. سول ارقىلى حالىقتىڭ كىتاپ وقۋعا دەگەن قىزىعۋشىلىعىن ارتتىرۋ, كىتاپ وقۋدى كەڭىنەن ناسيحاتتاۋ, قوعامنىڭ مادەني دەڭگەيىن كوتەرۋ, بەلگىلى اقىن-جازۋشىلارمەن كەزدەسۋ ۇيىمداستىرۋدى كوزدەيدى. وسى جولى دا اۆتورلار وقىرماندارىمەن قاۋىشىپ, ەمەن-جارقىن اڭگىمە-دۇكەن ءوربىدى.
كەيبىر اتا-انا بالالارىنا العان كىتابىنا اۆتوردان قولتاڭبا قويدىرىپ الدى. اتاپ ايتقاندا, بالالار اقىندارى اكىم ىسقاق پەن سەرىكبول حاسان كىتاپتارىنىڭ تۇساۋكەسەر ءراسىمى جاسالىپ, وقىرماندارعا ءبىر ۋاقىتتا جول تارتىپ جاتتى.
