ەربول الىقۇلوۆ وتكەن جىلى قازاقستان مەن يندونەزيانىڭ ديپلوماتيالىق قارىم-قاتىناسىنا 30 جىل تولعانىن اتاپ ءوتتى.
«وسى ۋاقىت ىشىندە ەلدەرىمىز ەكىجاقتى ءوزارا ءتيىمدى ىنتىماقتاستىق اياسىندا تىعىز جانە سەنىمدى قارىم-قاتىناس ورناتتى. قازىر ءبىز ەكى ەلدىڭ مادەني ءىس-شارالارعا قاتىسۋى ارقىلى بىرلەسكەن جۇمىستى جانداندىرۋىمىز قاجەت», دەدى مادەنيەت جانە اقپارات ۆيتسە-ءمينيسترى.
قازاقستان مەن يندونەزيا اراسىنداعى مادەني ىنتىماقتاستىق تۋرالى مەموراندۋمعا 2013 جىلى قول قويىلعان. سەرىكتەستەر ءوزارا بايلانىس اياسىن كەڭەيتۋگە نيەتتى.
«قازاقستان مەن يندونەزيانىڭ ورتاق تۇستارى كوپ. ءبىز – كوپەتنوستى جانە الۋان مادەنيەتتى مەملەكەتپىز. ءبىزدىڭ ىنتىماقتاستىعىمىز بۇدان دا ءتيىمدى ءارى جەمىستى بولاتىنىنا سەنىمدىمىن», دەپ اتاپ ءوتتى حيلمار فاريد. سونىمەن قاتار ەكى ەلدە دە الماسۋ نەگىزىندە وقيتىن ستۋدەنتتەر سانىن كوبەيتۋدى ۇسىندى.
جيىن سوڭىندا قاتىسۋشىلار بەينەلەۋ جانە ساندىك-قولدانبالى ونەر, مۋزىكا, تەاتر جانە كينەماتوگرافيا سالاسىنداعى ىنتىماقتاستىقتى قاراستىرۋعا جانە نىعايتۋعا دايىن ەكەنىن اتاپ ءوتتى.
