كاسىپكەرلىك كوكجيەگى كەڭەيدى

كەشە ورتالىق كوممۋنيكاتسيالار قىزمەتىندە ۇكىمەت وتىرىسىنىڭ قورىتىندىسىنا ارنالعان ءباسپاسوز ءماسليحاتىندا ۇلتتىق ەكونوميكا ۆيتسە-ءمينيسترى تيمۋر جاقسىلىقوۆ پەن ۇلتتىق كاسىپكەرلەر پالاتاسىنىڭ كاسىپكەرلىكتى دامىتۋ دەپارتامەنتىنىڭ ديرەكتورى عاليا جولدىباەۆا كاسىپكەرلىك قىزمەتتى تۇبەگەيلى جاقسارتۋ ماسەلەلەرى بويىنشا قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار جايىندا ايتىپ بەردى. ەسكە سالساق, «قازاقستان رەس­پۋب­ليكاسىنىڭ كەيبىر زاڭناما­لىق اكتىلەرىنە قازاقستان رەس­پۋب­ليكاسىندا كاسىپكەرلىك قىزمەت شارتتارىن تۇبەگەيلى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى اعىمداعى جىلدىڭ 1 قاڭتارىنان باستاپ قولدانىسقا ەندى. ال بۇل زاڭ اياسىندا ەلىمىزدەگى بيزنەس-احۋالدى جاقسارتۋ ماقساتىندا بارىنشا قولايلى مۇمكىندىكتەر قاراستىرىلىپ وتىر. ماسەلەن, ۆيتسە-مينيستر تيمۋر جاقسىلىقوۆ كەلتىرگەن مالىمەتتەرگە سۇيەن­سەك, زاڭدا جەكە كاسىپكەرلىك سۋبەك­تىلەرىنىڭ قىزمەتىن قۇرۋ ءجا­نە توقتاتۋ ءۇشىن زاڭدى كاسىپ­ورىن­داردى تىركەۋ مەرزىمى 1 سا­عاتقا دەيىن قىسقارتىلعان جانە 100 تەڭگە مولشەرىندەگى ەڭ از جار­عىلىق كاپيتالىنىڭ بولۋى تۋرالى تالاپتار جويىلعان. «2015 جىلدىڭ ءساۋىر ايىنا دەيىن باقىلاۋشى مەملەكەتتىك ورگانداردا تاۋەكەلدەردى باعالاۋ جۇيەسىن ۇيىمداستىرۋدىڭ جاڭا ادىستەمەسى ازىرلەنىپ, پرەزيدەنت اكىمشىلىگىنە ەنگىزىلەدى. ادىستەمە جوباسى بۇگىنگى كۇنى ءازىر جانە وسى ماقساتتا ارنايى قۇرىلعان, بارلىق مۇددەلى ورگاندار مەن ۇلتتىق كاسىپكەرلەر پالاتاسىنىڭ وكىلدەرى كىرگەن جۇمىس توبىمەن پىسىقتالۋدا», دەدى ت.جاق­سى­لىقوۆ. ونىڭ ايتۋىنشا, اتالعان ادىستەمە سالالىق ەرەكشەلىكتى ەسكە­رە وتىرىپ ءاربىر مەملەكەتتىك باقى­لاۋ-قاداعالاۋ ورگانىنىڭ ۆە­دومستۆولىق تاۋەكەلدەردى باسقارۋ جۇيەلەرىن ازىرلەۋى ءۇشىن نەگىز بولادى. مۇنداي جۇيەلەر 2015 جىلدىڭ ءبىرىنشى جارتىجىلدىعىندا دايىندالۋى ءتيىس. وسىعان وراي ءىس جۇزىندە 2015 جىلدىڭ ءبىرىنشى جارتىجىلدىعىندا عانا كاسىپكەرلەرگە قاتىستى زاڭدى جانە جەكە تۇلعالاردىڭ شاعىمدارى مەن حابارلامالارى بويىنشا جوسپاردان تىس تەكسەرۋ وتكىزىلۋى مۇمكىن. ال ەكىنشى جارتىجىلدىقتان باس­تاپ تەكسەرۋدى جوسپارلاۋ تولىعىمەن تاۋەكەلدەردى باعالاۋ جۇيەسى نەگىزىندە جانە سول جاسالعان سالالاردا, الەۋەتتى قۇقىق بۇزۋشىلارعا قاتىستى عانا قاراستىرىلادى. سونداي-اق, باسىم جوبالار بويىنشا ينۆەس­تي­تسيالىق كەلىسىم جاساعان ينۆەستورلار ءۇشىن «ءبىر تەرەزە» قاعيداسى ەنگىزىلەدى. مەملەكەتتىك ورگاندار سونداي-اق «ءبىر تەرەزە» قاعيداسى بويىنشا قۇرىلىستىڭ جوبالىق-سمەتالىق قۇجاتتاماسىنىڭ سالالىق ساراپتاماسىن الۋدى ۇيىمداستىرۋ ءۇشىن زاڭعا سايكەس قاجەتتى بارلىق نورماتيۆتىك-قۇقىقتىق بازانى ازىرلەۋدى قاراستىرادى. «ادامي فاكتوردى بولدىرماۋ جانە جەمقورلىق تاۋەكەلدەردى ازايتۋ ءۇشىن مەملەكەتتىك ورگانداردىڭ باقىلاۋ-قاداعالاۋ قىزمەتىن كەزەڭ-كەزەڭمەن اۆتوماتتاندىرۋ قاجەت بولادى. وسىعان بايلانىس­تى بيىلعى جىلى باس پروكۋراتۋرامەن بىرگە اۆتو­مات­تاندىرۋ بويىنشا ۇسىنىستار ازىرلەۋ ءۇشىن باقى­لاۋدىڭ بارلىق سالالارىن تولىق تالداۋ جوسپارلانعان. ۇلتتىق ەكونوميكا مينيسترلىگى ۇلتتىق كاسىپ­كەر­لەر پالاتاسىمەن جانە ساراپشىلىق توپپەن بىرلەسىپ, جەكە كاسىپكەرلىك سۋبەكتىلەرىنە قويى­لا­تىن, مەملەكەتتىك باقىلاۋ مەن قاداعالاۋدى جۇزەگە اسىرۋ كەزىندە تەكسەرۋگە جاتاتىن تالاپتاردى قىسقارتۋ ءۇشىن ولارعا تەكسەرۋ جۇرگىزدى. تەكسەرۋ قورى­تىندىسى بويىنشا 5 228 تالاپتىڭ ىشىندە 1810 تالاپ نەمەسە ولاردىڭ جالپى سانىنىڭ 34,6 پايىزى قىسقارتىلعان. سونداي-اق, مەملەكەتپەن ءوزارا قارىم-قاتىناستى بارىنشا ىقشامداۋ ماقساتىندا زاڭدا كاسىپورىندى تاراتۋ ءراسىمىن جەڭىلدەتۋ, قۇجاتتار كوشىرمەلەرىن مىندەتتى نوتاريالدى كۋالاندىرۋدى جويۋ, كوم­مەر­تسيالىق ماقساتتا پايدالانىلمايتىن, پايدالانۋ مەرزىمى 7 جىلدان اسپايتىن جەكە اۆتوكولىكتى تەحني­كالىق بايقاۋدى جويۋ, كولىك قۇرالىن جۇرگىزۋگە سەنىمحاتتى جويۋ قاراستىرىلىپ وتىر. كاسىپكەرلىك قىزمەتتى تۇبەگەيلى جاقسارتۋ ماسە­لەلەرى جونىندەگى زاڭنىڭ قولدانىسى ينۆەستيتسيالىق جانە كاسىپكەرلىك احۋالعا وڭ اسەر ەتەدى, بيزنەسكە اكىمشىلىك جۇكتەمەنىڭ تومەندەۋىنە اكەلەدى جانە ەلىمىزدىڭ ەكونوميكالىق باسەكەگە قابىلەتتىلىگىن ارتتىرۋعا ىقپال ەتەتىن بولادى دەگەن سەنىم بار. دينارا بىتىكوۆا, «ەگەمەن قازاقستان».