ماقالا اۆتورىنىڭ جازۋىنشا كورەرمەن نازارىنا العاش رەت ۇسىنىلىپ وتىرعان بىرەگەي قۇندى جادىگەر – بۇراما قاعاز تۇرىندە جاسالعان پايعامبارلار شەجىرەسى. ۇزىندىعى – 4 م, 45 سم قۇرايتىن شەجىرەنىڭ ەنى – 25 سم.
سونداي-اق كورمەگە وراما قاعاز تۇرىندە جاسالعان ەرەكشە قولجازبا قۇران نۇسقاسى (ۇزىندىعى – 9 م, 50 سم., ەنى – 2,5 سم.) قويىلىپ, 114 سۇرە ءماتىنى وتە ۇساق ارىپتەرمەن بولەك-بولەك تەرىلىپ بەرىلگەن ەكەن.
«حرونولوگيالىق تۇرعىدان قاراستىرار بولساق, قورداعى قۇراننىڭ ەڭ كونەسى 1054 ھيجري/1643 ءميلادي جىلدارى جارىق كورگەن. ولاردىڭ دەنى شىعىستىڭ كونە قالالارى ىستانبۇل, مۋمباي, مىسىر باسپاحانالارىندا, رەسەيدىڭ پەتەربور, قازان سياقتى ءىرى ورتالىقتارى مەن ومبى, ورىنبور, تاشكەنت, سامارقان شاھارلارىنىڭ كونە باسپالارىندا باسىلىپ شىققان», دەپ جازادى اۆتور.
ماقالادا كورمەگە كەلگەن كوپشىلىكتىڭ قىزىعۋشىلىعىن تۋدىرعان بىرنەشە كىتاپتار دا ايتىلادى.
اۆتور ماقالاسىن: «قازىرگى ۋاقىتتا ءتۇرلى اعىمنىڭ جەتەگىندە كەتكەن جاس بۋىندى يسلام مادەنيەتىمەن سۋسىنداتۋدا وسىنداي شارالاردىڭ ماڭىزدى ءرول اتقاراتىنىن اتاپ وتكەن مەملەكەتتىك ورتالىق مۋزەي ديرەكتورى راشيدا حاريپوۆا, يسلام بۇكىل ادامزاتتىڭ رۋحاني كەمەلدەنۋىنە جانە مادەنيەتى مەن وركەنيەتىنىڭ دامۋىنا زور ۇلەس قوسقانىن, مۋزەي قورىنداعى قۇندى جادىگەرلەرگە شەتەلدىك عالىمدار مەن ءدىنتانۋشىلار ايرىقشا قىزىعۋشىلىق تانىتىپ وتىرعانىن جەتكىزدى», دەپ اياقتاعان.
ماقالانىڭ تولىق نۇسقاسىن مىنا سىلتەمە ارقىلى وقي الاسىز.
