ۇيىمنىڭ كوپتەگەن ديالوگ الاڭىنان وزىندىك ايىرماشىلىعى بار. سەبەبى شىۇ وتىرىستارى – ينتەگراتسيا مەن ىنتىماقتاستىققا نەگىزدەلگەن فورماتتا كورىنىس تابادى. وسىعان دەيىن ۇيىمنىڭ قىزمەتى ورتالىق ازيا وڭىرىندەگى ماسەلەلەرگە عانا باعىتتالسا, قازىر ەۋرازيالىق كەڭىستىكتەگى قاۋىپسىزدىكتى قامتاماسىز ەتۋ مەن بەيبىتشىلىكتى ساقتاۋعا باعىت الىپ وتىر. دەمەك بايقاپ وتىرعانىمىزداي, جاڭا ەرەجەلەردى ۇسىناتىن حالىقارالىق ينستيتۋتتار بارىنشا سۇرانىسقا يە بولا ءتۇستى دەگەن ءسوز. وسى رەتتە شىۇ جاھاندىق تۇراقتىلىق پەن الەمگە ورتاق ءتارتىپتى قالىپتاستىرا الاتىن بەدەلدى ورتالىققا اينالىپ وتىر.
ساياسي داعدارىس پەن باسەكەلەستىك, وڭىردەگى ءارتۇرلى قاۋىپتىڭ ارتۋى ينۆەستيتسيالىق بايلانىستاردىڭ ۇزىلۋىنە الىپ كەلۋى مۇمكىن. ونىڭ سوڭى بەيبىتشىلىك پەن تۇراقتىلىققا قاتەر توندىرەدى. سوندىقتان شىۇ-نىڭ ماقسات-مۇراتى – تاراپتارمەن سىندارلى ديالوگ جۇرگىزىپ, ءتيىمدى قارىم-قاتىناس ورناتۋعا ىقپال ەتۋ. شىۇ – بەدەلدى حالىقارالىق ۇيىم. سول سەبەپتى ۇيىمعا قاتىسۋعا نيەت بىلدىرۋشىلەردىڭ سانى ارتىپ كەلەدى. ەگەر ۇيىم قۇرىلعان 2001 جىلى 6 مەملەكەت بولسا, قازىر قاتىسۋشىلار سانى 26-عا دەيىن ءوستى. تىلەك بىلدىرۋشىلەر ءالى دە كوبەيە بەرەدى.
قازاقستاننىڭ 2024 جىلدى «ەكولوگيا جىلى» دەپ جاريالاۋ تۋرالى ۇسىنىسى وزبەكستاندا دا جوعارى باعالاندى. بۇل باعىتتا دا اتقارىلعان جۇمىس كوپ. ماسەلەن, استانادا ۇيىمعا مۇشە مەملەكەتتەردىڭ جاستارى مەن باقىلاۋشىلاردىڭ كەزدەسۋىندە تازا بولاشاق قۇرۋ تۋرالى يگى باستامالار تالقىلاندى. بۇعان قوسا 2030 جىلعا دەيىن ەنەرگەتيكالىق ىنتىماقتاستىقتى دامىتۋدىڭ جالپى ستراتەگياسى ازىرلەنگەنى قۋانتادى.
مۋرات باحاديروۆ,
الەمدىك ەكونوميكا جانە ديپلوماتيا ۋنيۆەرسيتەتىنىڭ دوتسەنتى, ساياساتتانۋشى (وزبەكستان)
