ۇكىمەتتىك ەمەس ۇيىمداردىڭ وكىلدەرىمەن جانە ءماسليحات دەپۋتاتتارىمەن كەزدەسۋدە كوكتەمگى سۋ تاسقىنىنىڭ سالدارىن جويۋ, زارداپ شەككەندەرگە الەۋمەتتىك كومەك كورسەتۋ, مۇگەدەك ادامداردىڭ قۇقىقتارىن قورعاۋ, تاعى باسقا ماسەلەلەر تالقىلاندى.
سونداي-اق سەناتورلار VIII شاقىرىلىمنىڭ II سەسسياسىندا اتقارىلعان جۇمىستارعا توقتالدى. اتاپ ايتقاندا, سەنات ۆيتسە-سپيكەرى ولگا پەرەپەچينا پالاتانىڭ 102 زاڭ ماقۇلداعانىن, دەپۋتاتتىق باستامالار اياسىندا 33 زاڭ ازىرلەنىپ قابىلدانعانىن اتاپ ءوتتى. ال ۇكىمەت پەن مەملەكەتتىك ورگاندارعا ازاماتتاردى الاڭداتاتىن وزەكتى ماسەلەلەر كوتەرىلگەن 200 دەپۋتاتتىق ساۋال جولداندى.
ء«بىز وڭىرلەردە حالىقپەن كەزدەسىپ, جۇرتشىلىقتى تولعاندىراتىن ماسەلەلەردى تالقىلايمىز. كەيىن ولاردى ۇكىمەتپەن بىرلەسىپ, پىسىقتايمىز. ءبىز «حالىق ۇنىنە قۇلاق اساتىن مەملەكەت» تۇجىرىمداماسى اياسىندا جۇمىس ىستەيمىز. سوندىقتان جۇمىسىمىزعا سىن كوزبەن قاراۋىمىز كەرەك. ءبىز بانكتىك جانە اقپاراتتىق جۇيەلەردىڭ اشىقتىعىن كۇشەيتۋ باعىتىندا دا جۇمىس جۇرگىزىپ كەلەمىز», دەدى ولگا پەرەپەچينا.
ساپار بارىسىندا دەپۋتاتتار پەتروپاۆلداعى وبلىستىق پەريناتالدىق ورتالىق بازاسىندا اشىلعان «قامقورلىق» ەرتە ارالاسۋ ورتالىعىنا باردى. مۇندا وبلىس تۇرعىندارىنا تەگىن قىزمەت كورسەتىلەدى.
