رەسپۋبليكامىزدا سايلاۋشىلاردىڭ 68,48 پايىزى داۋىس بەردى

استانا. 26 ءساۋىر. ەلىمىز بويىنشا سايلاۋشىلاردىڭ 68,48 پايىزى داۋىس بەردى. ورتالىق سايلاۋ كوميسسياسىنىڭ مۇشەسى مارات سارسەنباەۆ وسىلاي دەدى. بۇل تۋرالى egemen.kz ءتىلشىسى حابارلادى. مارات سارسەنباەۆ: «پرەزيدەنت سايلاۋىندا وبلىستاردىڭ, استانا جانە الماتى قالالارىنىڭ سايلاۋ كوميسسيالارىنىڭ ۇسىنعان مالىمەتتەرىنە سايكەس, 26 ساۋىردەگى ساعات 14.00-دەگى جاعداي بويىنشا تىزىمگە ەنگىزىلگەن  سايلاۋشىلاردىڭ 68,48 پايىزى سايلاۋ بيۋللەتەنىن الدى», – دەدى. ورتالىق سايلاۋ كوميسسياسى مۇشەسىنىڭ سوزىنە قاراعاندا, اقمولا وبلىسى بويىنشا – 76,98,  اقتوبە وبلىسى بويىنشا – 65,51, الماتى وبلىسى بويىنشا – 80,31, اتىراۋ وبلىسى بويىنشا –  73,41, شىعىس قازاقستان وبلىسى بويىنشا – 75,52, جامبىل وبلىسى بويىنشا – 72,49, باتىس قازاقستان وبلىسى بويىنشا – 67,13, قاراعاندى وبلىسى بويىنشا – 69,21, قىزىلوردا وبلىسى بويىنشا – 73,13, قوستاناي وبلىسى بويىنشا – 77,22, ماڭعىستاۋ وبلىسى بويىنشا  – 57,19, پاۆلودار وبلىسى بويىنشا – 71,01, سولتۇستىك قازاقستان وبلىسى بويىنشا – 70,05, وڭتۇستىك قازاقستان وبلىسى بويىنشا  – 77,28,  استانا قالاسى بويىنشا – 45,75, ال الماتى قالاسى بويىنشا 39,34 پايىزدى قۇراعان. جولدىباي بازار. دەرەك: egemen.kz. سۋرەت: azh.kz.