نەپالدا جەر سىلكىنىسىنەن قازا بولعاندار سانى 2 مىڭنان استى

استانا. 26 ءساۋىر. سوڭعى دەرەكتەر بويىنشا, نەپالداعى جويقىن جەر سىلكىنىسىنەن قازا بولعاندار سانى 2 مىڭنان استى, 4 مىڭعا جۋىق ادام جاراقات العان. بۇل تۋرالى rbc.ru حابارلادى. سوڭعى 80 جىلدا بولماعان الاپات ءزىلزالا نەپالدا 25 ءساۋىر كۇنى ورىن الدى. ماگنيتۋداسى 7,9 بالدى قۇراعان جەر استى دۇمپۋلەرىنىڭ وشاعى ەل استاناسى كاتماندۋدان 80 شاقىرىم جەردە ورنالاسقان ەكەن. سونىمەن قاتار, جەر سىلكىنىسى قىتاي, ءۇندىستان مەن بانگلادەشتە سەزىلگەن. ال گيمالاي تاۋىنداعى ەۆەرەست شىڭىندا جەر سىلكىنىسى قار كوشكىنىنىڭ بولۋىنا ىقپال ەتىپ, 65 الپينيست قازا تاپقان. جەر سىلكىنىسى كەزىندە ونداعى الپينيستەر بازاسىندا جالپى 1 مىڭعا جۋىق ادام بولعان كورىنەدى. قازا بولعانداردىڭ مايىتتەرىن ىزدەۋگە قۇتقارۋشىلاردان بولەك, ەرىكتىلەر مەن قىزىل كرەست ۇيىمىنىڭ قىزمەتكەرلەرى جۇمىلدىرىلدى. كەيبىر اۋدانداردا تەحنيكا قوزعالىسىنا قيىندىق تۋىنا بايلانىستى ادامدار قيراندىلاردى ءوز بەتتەرىمەن جيناستىرۋعا ءماجبۇر. ايدار ورىسباەۆ. دەرەك: rbc.ru. سۋرەت: reuters.com.