پەتروپاۆلدا «وۆ»-تان ءبىرىنشى بولىپ قۇتىلعان قازاق ءوز تاڭداۋىن جاسادى

پەتروپاۆل. 26 ءساۋىر. التاي قوجاحمەت اعايدى بۇرىننان ەل ازاماتى, ۇلتجاندى ازامات رەتىندە ءبىلۋشى ەدىك. تاۋەلسىزدىكتىڭ ەلەڭ-الاڭ شاعىندا ستۋدەنتتەرگە ءدارىس وقي ءجۇرىپ, ەلىمىزدىڭ جارقىن بولاشاعىنا ۇمتىلدىرا بىلگەنى  ءالى كۇنگە دەيىن كوز الدىمىزدا. ابزال ازاماتتىڭ باتىل باستامالارى مەن جارقىن ىستەرىنە تالاي كۋا بولعانىمىز بار. بۇل تۋرالى egemen.kz ءتىلشىسى حابارلادى. بۇل كىسىنىڭ ەسىمى وڭىردە «وۆ»-تان  تۇڭعىش قۇتىلعان ادام رەتىندە دە قاتتى  قۇرمەتتەلەدى. بۇگىندە 80-ءدى القىمداپ قالسا دا, ەكونوميكا عىلىمىنىڭ كانديداتى,  پروفەسسور رەتىندە قاتاردان قالعان جوق. ستۋدەنتتەردە ساباق بەرىپ, اركەز  قىزۋ ءىس قيمىل ۇستىندە جۇرگەنىن كورەمىز. اقساقالمەن جۇزدەسپەگەلى كوپ بولىپ ەدى. №  644 سايلاۋ ۋچاسكەسىندە پرەزيدەنت سايلاۋى  ءبىر-بىرىمىزبەن  تاعى جولىقتىردى.  ۇستىنە قازاقتىڭ ويۋلى شاپانىن ايقارا جامىلىپ, باسىنا  وقالى  قالپاعىن كيىپ, ابىز اقساقال كىرىپ كەلگەندە, زال ىشىندە ءولى تىنىشتىق ورناي قالدى.  ەشقاشان اشۋ-رەنىشتى بىلمەيتىن اركەز ك ۇلىمدەپ, جايدارى جۇرەتىن ءجۇزى بۇگىن ەرەكشە قۇلپىرىپ كەتكەندەي كورىندى. «قازاقتا «مىڭ ەستىگەننەن ءبىر كورگەن ارتىق» دەگەن ءسوز بار. وسى جولى ۇستىمە  حالقىمىزدىڭ ۇلتتىق كيىمىن كيىپ, داۋىس بەرۋگە بەكىندىم. ونداعى ماقسات – ۇلكەندەرگە دە, جاستارعا دا وي تاستاۋ. ۇلتتىق  مادەنيەتىمىز بەن قۇندىلىقتارىمىزدى ناسيحاتتاۋ», دەدى ول. «بۇگىن ءوزىمدى العاش رەت داۋىس بەرەتىندەي سەزىنىپ تۇرمىن.  وسىنداي ءار ساياسي ناۋقاندى  ۇلكەن كوڭىل-كۇيمەن جانە  زور جاۋاپكەرشىلىكپەن قارسى الامىن. ۇيقىمنان سەرگەك وياندىم. وتباسىمىزبەن  ەلىمىزدىڭ بولاشاعى ءۇشىن داۋىس بەرۋگە ەرتەلەتىپ جەتتىك. مۇندا جاستاردىڭ قاراسى مول كورىنەدى. دەمەك,  ساياسي بەلسەندىلىك جوعارى, ۇيىمداستىرۋ جۇمىسى جولعا قويىلعان دەگەن پىكىر تۇيۋگە بولادى», - دەگەن  التاي اقساقال  سايلاۋ بيۋللەتەنىن الىپ, كابيناعا قاراي بەتتەدى. ءوز تاڭداۋىن جاساعاننان كەيىن بيۋللەتەندى جاشىككە سالدى. سودان كەيىن جاستارعا  اتالىق لەبىز-تىلەگىن ارناپ, ەلىمىزگە اماندىق, باقىت  تىلەدى. ءومىر ەسقالي. دەرەك, سۋرەت: egemen.kz