جالپى, «جالىن» لاگەرى 100 بالا قابىلداۋعا ارنالعان. جازعى دەمالىس ورنىن قالپىنا كەلتىرۋگە شامامەن 1,5 ملرد تەڭگە جۇمسالعان. مۇنى لاگەردىڭ اشىلۋ سالتاناتىندا «قازاقستان ستۋدەنتتەرىنىڭ اليانسى» قوعامدىق بىرلەستىگىنىڭ پرەزيدەنتى ءىلياس تۇستىكباەۆ ايتتى.
لاگەر اۋماعىندا بالالارعا ارنالعان بەس جاتاقحانا, تاماقتاندىرۋ عيماراتتارى, قوناقۇيى, شىعارماشىلىق ءۇيى, فەلدشەرلىك پۋنكت جانە قىزمەتكەرلەرگە ارنالعان دەمالىس بولمەلەرى بار. دەمالۋشىلار كوڭىل كوتەرەتىن 102 ورىندى كورەرمەن زالىندا مۋزىكا, ۆوكال, بي جانە ادەبي-درامالىق قويىلىمدار, سپەكتاكل جانە فيلمدەر كورسەتىلەدى.
دەمالۋشىلار بوس ۋاقىتىندا كىتاپحاناعا بارىپ, ءتۇرلى تاقىرىپتاعى شىعارمالاردى وقي الادى. 12 ورىندى وقۋ زالى 10 مىڭ دانا قازاق جانە الەم ادەبيەتى كىتاپتارىمەن تولىقتىرىلعان.
سونداي-اق «جالىن» لاگەرىندە جەتىسۋ ءوڭىرىنىڭ «جاسىل ەل» جاستار ەڭبەك جاساعىنىڭ 20-ماۋسىمدىق جۇمىسى باستالدى. جالپى, «جاسىل ەل» باعدارلاماسى – جاستاردى جۇمىسپەن قامتۋ جانە قازاقستاننىڭ ەكولوگياسىن قولداۋدىڭ بىرەگەي جانە وزەكتى مۇمكىندىگى. وتكەن جىلداردا رەسپۋبليكانىڭ قالالارى مەن وبلىس ورتالىقتارىندا ورماندى قورعاۋ, جاسىل جەلەكتەردى ءوسىرۋدى تۇراقتاندىرۋعا مۇمكىندىك تۋدى. وبلىسىمىزدىڭ اۋدان-قالالارىنان كەلگەن 200-گە جۋىق ەكولوگيالىق ءىس-شاراعا قاتىسۋشىلاردى, الماتى مەن استانادان كەلگەن قوناقتاردى وبلىستىق الەۋمەتتىك دامۋ باسقارماسىنىڭ وكىلدەرى جانە الاكول اۋدانىنىڭ اكىمدىگى قارسى الىپ, بارىنشا قۇرمەت كورسەتتى.
الاكول جاعالاۋىنداعى «جانسايا» لاگەرىندە بيىل ەرەكشە قاجەتتىلىگى بار 160 بالا دەمالادى. وبلىس اكىمىنىڭ ءباسپاسوز قىزمەتىنىڭ مالىمەتىنشە, اقشي جاعالاۋىنداعى ەرەكشە قاجەتتىلىگى بار بالالارعا ارنالعان «جانسايا» جازعى ساۋىقتىرۋ لاگەرى جاڭا ماۋسىمداعى ءوز جۇمىسىن باستادى. لاگەرگە دەمالۋشىلاردىڭ العاشقى لەگى كەلدى, اتاپ ايتقاندا لاگەرگە 16 بالا زاڭدى وكىلىمەن بىرگە ورنالاستى.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەرمەك ميزامباەۆتىڭ ايتۋىنشا, بىلتىر جازعى كەزەڭدە بۇل لاگەر 127 بالانى تەگىن قابىلدادى. بيىل دا وسىنداي 160 بالانى 1 زاڭدى وكىلىمەن تەگىن دەمالتۋ جوسپارلانىپ وتىر.
«بۇل ورتالىق 40 ورىنعا ەسەپتەلگەن. ءار بالانىڭ دەمالۋ ۇزاقتىعى – 5 كۇن. بالالاردى قابىلداۋ ءI–ىىى توپتاعى مۇگەدەكتىگى بار بالانىڭ تىركەلگەن جەرى بويىنشا دارىگەردىڭ ۇسىنىسى نەمەسە قورىتىندىسى نەگىزىندە ىسكە اسادى. ورتالىققا جول ءجۇرۋدى ۇيىمداستىرۋدى زاڭدى وكىل نەمەسە ەرىپ جۇرەتىن ادام تۇرعىلىقتى جەرىنەن ءۇشارال قالاسىنا دەيىن دەربەس جۇزەگە اسىرادى, بۇدان ءارى ولاردى اقشي اۋلىنا, لاگەرگە جەتكىزۋدى ورتالىقتىڭ ءوزى ۇيىمداستىرادى», دەدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەرمەك ميزامباەۆ.
ايتا كەتەيىك, بىلتىر ساپالى الەۋمەتتىك قىزمەت كورسەتۋ ماقساتىندا الاكول اۋدانى اكىمدىگىنىڭ بۇرىنعى رەزيدەنتسياسىنىڭ عيماراتىنا جوندەۋ جۇمىستارى جۇرگىزىلىپ, 6 جاستان 18 جاسقا دەيىنگى مۇگەدەكتىگى بار بالالارعا ارنالعان الاكول كولىنىڭ جاعالاۋىندا «جانسايا» وڭالتۋ بولىمشەسى بار كۇندىز بولۋ ورتالىعىنا» قاراستى «جانسايا» جازعى ساۋىقتىرۋ لاگەرى اشىلعان بولاتىن. لاگەردىڭ نەگىزگى ماقساتى – مەديتسينالىق, پسيحولوگيالىق, كاسىپتىك جانە الەۋمەتتىك وڭالتۋ شارالارىن جۇرگىزۋ ارقىلى مۇمكىندىگى شەكتەۋلى بالالاردىڭ الەۋمەتتىك مارتەبەسىن قالپىنا كەلتىرۋ جانە ونى الەۋمەتتىك ورتاعا بەيىمدەۋ.
وتكەن جىلى دا اتالعان لاگەردە بولىپ, ساۋىقتىرۋ شارالارىن قابىلداعان ەرەكشە قاجەتتىلىگى بار تاۋەكەل بيىل دا اناسى اجارمەن بىرگە ورتالىققا كەلگەن.
«الاكولدىڭ سۋى شيپالى. وعان قوسا پانسيوناتتىڭ كولدىڭ جاعاسىندا ورنالاسقانى ءبىز ءۇشىن قولايلى. مۇندا بالاعا دا, اناعا دا بارلىق جاعداي جاسالعان», دەيدى اجار. سول سياقتى ءمولدىر احمەتوۆا ۇلى قاسەن ءاليحاندى مۇندا العاش رەت اكەلىپ وتىر.
«جانسايا» لاگەرىنە العاش رەت كەلىپ وتىرمىز. اسپازدار, مەدبيكەلەر, جالپى ساۋىقتىرۋ ورنىندا جۇمىس ىستەيتىن قىزمەتكەردىڭ ءبارى دە – سونداي مەيىرىمدى, ءوز ىسىنە بەرىلگەن ماماندار. سۋ دا, ساۋىقتىرۋ شارالارىن جاسايتىن ازاماتتاردىڭ اقجارقىن كوڭىلى دە – ءبارى بالاما وڭ اسەر ەتەدى دەپ سەنەمىن», دەيدى م.احمەتوۆا.
جەتىسۋ وبلىسى
