قازاقستاندا سۇيىتىلعان گاز باعاسى قىمباتتادى

سۇيىتىلعان مۇناي گازىنىڭ بولشەك ساۋداداعى شەكتى باعاسى وڭىرگە قاراي ليترىنە 5-8 تەڭگەگە دەيىن قىمباتتادى.

استانادا جانە اقمولا, قوستاناي, قاراعاندى, اباي, جەتىسۋ, شىعىس قازاقستان جانە ۇلىتاۋ وبلىستارىندا سۇيىتىلعان گازدىڭ ءليترى 76 تەڭگەدەن 84 تەڭگەگە ءوستى. باتىس قازاقستان, قىزىلوردا, تۇركىستان وبلىسى جانە شىمكەنتتە — 64 تەڭگەدەن 79 تەڭگەگە, اقتوبە, اتىراۋ, ماڭعىستاۋ وبلىستارىندا 54 تەڭگەدەن 59 تەڭگەگە قىمباتتادى. الماتى قالاسىندا, الماتى جانە سولتۇستىك قازاقستان وبلىستارىندا 81 تەڭگەدەن 89 تەڭگەگە وزگەرگەن.

جامبىل وبلىسىندا – ليترىنە 78 تەڭگە (71 تەڭگە), پاۆلودار وبلىسىندا 81 تەڭگە (74 تەڭگە) بولدى.

«سالىستىرمالى تۇردە رەسەيدە ءبىر ليتر گازدىڭ باعاسى - 132 تەڭگە, ازەربايجاندا — 171 تەڭگە, تاجىكستاندا — 273 تەڭگە. ساراپشىلاردىڭ بولجامىنشا, 2024 جىلى ىشكى نارىقتا تۇتىنۋ كولەمى تاعى 200 مىڭ تونناعا ارتىپ, 2,4 ملن تونناعا جەتەدى. بۇل رەتتە گاز تاپشىلىعى 30-40%-دى قۇراۋى مۇمكىن», دەلىنگەن مينيسترلىك حابارلاماسىندا.

ۆەدوموستۆو باعا كوتەرىلۋىنىڭ بىرنەشە سەبەبىن اتادى: 

- سۇيىتىلعان مۇناي گازىنىڭ باعاسى ونى ءوندىرۋ قۇنىنان الدەقايدا تومەن;

- تمد اۋماعىندا تۇتىنۋ كۇرت وسكەن;

- تمد-دا زاۋىتتار وندىرىسكە دەگەن قىزىعۋشىلىعىن جوعالتىپ جاتىر;

- قازاقستاندا تمد-داعى ەڭ تومەن باعالاردىڭ ءبىرى تىركەلگەن.