بيىل تاريحشى-زەرتتەۋشى ماماندىعىنىڭ ستۋدەنتتەرى «سارايشىق» مۋزەي-قورىعىنداعى ارحەولوگيالىق قازبا جۇمىستارىنا بارىپ قاتىسقان. حV-XVI عاسىرعا ءتان نىسان كۇيدىرىلگەن كىرپىشتەن بەرىك ءارى ءساندى قالانعان. الايدا كەسەنەنىڭ كۇمبەزى قيراعانىمەن جابىق ءدالىزى سول قالپىندا ساقتالعان.
«بۇنداي تۇردە سالىنعان كەسەنەلەر سارايشىق قالاسىندا بۇرىندا انىقتالعان, بىراق ولار قاتتى ب ۇلىنگەن ەدى. بۇل كەسەنەنىڭ ەرەكشەلىگى دروموسى تولىق ساقتالۋىندا. ازىرگە الدىن-الا بولجام بويىنشا بەلگىلى, قوعامداعى ستاتۋسى جوعارى ادامدار جەرلەنگەن بولۋى مۇمكىن», دەيدى ارحەولوگ امانگەلدى زاينوۆ.
ەسىگى وڭتۇستىك شىعىسقا قاراعان دروموستىڭ ۇزىندىعى 170, بيىكتى 60 سانتيمەتر. بۇل ءدالىزدىڭ جارتىلاي قازىلعان بولىگى دەدى ارحەولوگ.
ارحەولوگتار قازبا جۇمىسىن ءۇش بولىككە ءبولىپ جۇرگىزگەن. بىرىنەن دالىزگە جالعاسقان كولەمدى قابىردىڭ قابىرعالارى تابىلدى. انىقتالعان قابىرعانىڭ ۇزىندىعى 6, بيىكتىگى 1 مەتر, قالىڭدىعى 55 سانتيمەتر. «بۇل كەسەنەنى سالۋعا سارى جانە قىزىل كىرپىشتەر پايدالانىلعان. سارى كىرپىشتەر – التىن وردا ءداۋىرىنىڭ ەسكى كىرپىشتەرى, ال قىزىل كىرپىشتەر – قۇرىلىس سالىناردا كۇيدىرىلىپ جاسالعانى انىق. بۇل سارايشىقتاعى ەڭ سيرەك كەزدەسەتىن نىسان», دەيدى ارحەولوگيالىق قازباعا قاتىسقان ستۋدەنت ەراسىل ومىربەك.
دروموستىڭ وڭتۇستىك بولىگىنەن شارۋاشىلىق بولمە دە انىقتالعان. ونداعى قازبا كەزىندە قىش قۇمىرالار مەن ءتۇرلى بۇيىمدار جانە ورتا عاسىرلىق ساندىك جاپسىرمالار, مىس تيىندار تابىلعان. ارحەولوگيالىق نىسان الداعى ۋاقىتتا تەرەڭ زەرتتەلمەك. ورتا عاسىرلىق قالادا ستۋدەنتتەردىڭ وقۋ-پراكتيكاسىن جۇرگىزىپ تىڭ دەرەكتەردى تابۋى ح.دوسمۇحامەدوۆ اتىنداعى اتىراۋ ۋنيۆەرسيتەتى مەن «سارايشىق» مۋزەي-قورىعى اراسىنداعى ەكى جاقتى كەلىسىم نەگىزىندە ىسكە اسقان. پراكتيكا كەزىندە بەلسەندى جۇمىس ىستەپ تاريحي كەسەنەنى قازۋعا اتسالىسقان 19 ستۋدەنتتى مۋزەي-قورىق باسشىلىعى العىس حاتتارمەن ماراپاتتادى.
