فوتو: baq.kz
اتاپ ايتقاندا, تۇرعىنداردى «شەمونايحا-وسكەمەن» تاسجولىن جوندەۋ ماسەلەسى, ءۇبى وزەنى ارقىلى وتەتىن اۆتوموبيل كوپىرىن جوندەۋ, ينتەرنەت بايلانىسىنىڭ ساپاسى باسقا دا ماسەلەلەر تولعاندىرىپ وتىر.
– قالامىز شاعىن, مۇندا شامامەن 20 مىڭ ادام تۇرادى. بىراق ءبىز دە كەز كەلگەن باسقا قالا سياقتى ساپالى مەديتسينالىق قىزمەتكە مۇقتاجبىز. اۋداندىق اۋرۋحانانىڭ عيماراتى 1968 جىلى سالىنعان. كۇردەلى جوندەۋ جۇمىسى 10 جىل بۇرىن جۇرگىزىلگەن. ىشىنە كىرۋگە قورقاسىڭ. قازىر دارىگەرلەرگە كوتەرمە جاردەماقى تولەنەتىنى بەلگىلى, سوندىقتان بىزدە دە بىلىكتى دارىگەرلەر سانى ارتادى دەپ ۇمىتتەنەمىز, – دەدى جەرگىلىكتى تۇرعىن ۆالەنتين اليفانوۆ.
دەپۋتات ەرلان سايروۆ دەنساۋلىق ساقتاۋ ماسەلەلەرى بويىنشا زاڭنامالىق تۇزەتۋلەرگە سايكەس اۋىلعا كەلگەن مەديتسينا قىزمەتكەرلەرى 100 ەتج مولشەرىندە بىرجولعى تولەم الاتىنىن اتاپ ءوتتى (بۇل 2024 جىلعى ەسەپتەۋ بويىنشا 8,5 ملن تەڭگە).
– مەملەكەت باسشىسى قاسىم-جومارت توقاەۆ اۋىلدىق اۋماقتاردى جانە شەكارالىق اۋدانداردى دامىتۋعا ەرەكشە نازار اۋدارادى. باستى ماقسات – حالىقتىڭ كوشۋىن ازايتۋ, ادامداردىڭ ءومىر سۇرۋىنە قولايلى جاعداي جاساۋ, شەكارالىق اۋدانداردىڭ ەكونوميكالىق دامۋىنا جاڭا سەرپىن بەرۋ. بۇل – پارتيانىڭ سايلاۋالدى باعدارلاماسىنىڭ ماڭىزدى باعىتى. كوتەرىلگەن بارلىق ماسەلەنى ەرەكشە باقىلاۋعا الامىز. بيىل شەمونايحا مەن وسكەمەن اراسىنداعى ساپالى جولدىڭ قۇرىلىسىنا تەندەر وتكىزىلەدى, – دەدى ەرلان سايروۆ.
سونىمەن قاتار دەپۋتاتتار شەمونايحا قالاسىنداعى مەكتەپ قۇرىلىسىنىڭ بارىسىمەن تانىستى. وقۋ ورنى 300 ورىنعا ەسەپتەلگەن, ونى وسى جىلدىڭ سوڭىنا دەيىن پايدالانۋعا بەرۋ جوسپارلانىپ وتىر.
– ساپالى ءبىلىم ەلىمىزدىڭ ءار بالاسىنا, ول ۇلكەن قالادا نەمەسە اۋىلدا تۇرسا دا قولجەتىمدى بولۋعا ءتيىس. ايماقتىق تەڭسىزدىكتەر بىرتىندەپ جويىلىپ كەلەدى. سوندىقتان دەپۋتاتتار «جايلى مەكتەپ» جوباسىنىڭ جۇزەگە اسىرىلۋىن باقىلايدى, – دەيدى ءماجىلىس دەپۋتاتى ۇلىقبەك تۇماشينوۆ.
دەپۋتاتتار قازاقستان – رەسەي شەكاراسىنداعى باقىلاۋ-وتكىزۋ پۋنكتىنىڭ جۇمىسىمەن دە تانىستى.
