قوستاناي. 26 ءساۋىر. قوستانايدا اق جاڭبىرعا قاراماستان سايلاۋشىلار ساعات تاڭعى 7.00- دە سايلاۋ ۋچاسكەلەرىنىڭ الدىندا تۇردى. شىرقالعان ءان, مۋزىكا ازاماتتىق ۇستانىمدارىن كورسەتۋگە اسىققان قوستانايلىقتاردىڭ كوڭىل-كۇيىن كوتەرە تۇسكەندەي. تۇسكە قاراي سايلاۋ ۋچاسكەلەرىنە اعىلعان سايلاۋشىلار قاراسى كوبەيە ءتۇستى. ساعات 12.00-دە وبلىس بويىنشا بارلىق سايلاۋشىلاردىڭ 55 پايىزى داۋىس بەرىپ ۇلگەردى. بۇل تۋرالى egemen.kz ءتىلشىسى حابارلادى.
قوستاناي وبلىسىنداعى بارلىق سايلاۋ ۋچاس كەلەرىندە داۋىس بەرۋ ساعات 7-دەن باستالدى. ولاردا ەلىمىزدىڭ گيمنى وينالدى, سايلاۋ ۋچاسكەسى سالتاناتتى اشىلدى. سوسىن اركىم تاڭداۋىن جاساۋعا كىرىستى. №3 سايلاۋ ۋچاسكەسىندەگى ۇيىمداستىرۋشىلار العاشقى داۋىس بەرگەندەرگە سىيلىق ۇلەستىردى. «شارق» تاجىك-وزبەك ەتنومادەني بىرلەستىگىنىڭ جەتەكشىسى ەرگاشۆوي اكا حولمەتوۆ قىزداردىڭ قولىنان سىيلىق الىپ تۇرىپ: «اللا تاعالا ەرتە تۇرعانعا نەسىبە شاشادى» دەگەن عوي حالقىمىز. بۇگىن تاڭالاكەۋگىمنەن تۇردىم. سايلاۋ ۋچاسكەسىنە ءبىرىنشى بولىپ كەلدىم. ۇلتتىق شاپانىمدى, الاتوپىمدى كيىپ الدىم. بۇگىنگى كۇن مەرەكە, ەلىمىزدىڭ, مەملەكەتىمىزدىڭ باسشىسىن سايلاپ الامىز. بۇل حالىقتىڭ نەسىبەسى ەمەس پە؟!», دەدى ول.
وسى سايلاۋ ۋچاسكەسىنە تاڭەرتەڭنەن جاستار دا اعىلىپ كەلدى. «مەنىڭ جاسىم 20-دا. مەنىڭ جاسىم وسىلاي سايكەس كەلدى. بۇگىن ومىرىمدە ءبىرىنشى رەت سايلاۋعا داۋىس بەردىم, ءوز قالاۋىمدى جاسادىم. دۇرىس تاڭداۋ جاساعانىما سەنىمدىمىن», - دەيدى مەملكەتتىك قىزمەتشى نۇرلان بليزباەۆ.
«قازاقستان رەسپۋبليكاسىنداعى سايلاۋدى باقىلاۋ جونىندەگى رەسپۋبليكالىق قوعامدىق كوميسسيانىڭ وبلىستىق فيليالىنان كەلگەن بايقاۋشى ۆيكتور فيسەنكو وسى سايلاۋ ۋچاسكەسىنە تاڭەرتەڭگى ساعات 6 بولماي كەلىپتى. « سايلاۋ ۋچاسكەسى اشىلعانشا دالادا كۇتىپ تۇردىم. ماعان قازاقستان پرەزيدەنتى سايلاۋىندا بايقاۋشىلىق مىندەتتىڭ تاپسىرىلۋى ۇلكەن مارتەبە, جاۋاپكەرشىلىك. قازىر قاراپ وتىرمىن, بارلىعى دا قالىپشا ءوتىپ جاتىر. قالالىقتاردىڭ بەلسەندىلىگى وتە جوعارى»,- دەيدى ۆيكتور نيكولاەۆيچ.
ءبىز تۇسكە دەيىن بىرنەشە سايلاۋ ۋچاسكەسىن ارالاپ شىقتىق. بارلىعىندا دا دا سايلاۋشىلار كوپ كەلىپ جاتىر, بيۋللەتەن بەرىپ ۇلگەرە الماي, يىرىلگەن كەزەك. وبلىستىق سايلاۋ كوميسسياسىنىڭ ءتورايىمى انتونينا ماركوۆا تۇسكى ساعات 12.00-دە وبلىستاعى بارلىق سايلاۋشىلاردىڭ 55 پايىزىنان استامى داۋىس بەرىپ, ءوز تاڭدايۋىن جاساپ ۇلگەرگەنىن حابارلادى.
ءنازيرا جارىمبەتوۆا.
دەرەك, سۋرەت: egemen.kz
