فوتو:shutterstock
تالعات ءۋالي ەلىمىزدە الاياقتىق فاكتىلەرى جيىلەپ كەتكەنىن ايتتى.
«جالعان قىزمەتكەرلەر ازاماتتاردان قارىزدارىن وتەۋدى تالاپ ەتىپ, وزدەرىن سوت ورىنداۋشىسى رەتىندە تانىستىرىپ, شوتتاردىڭ, م ۇلىكتىڭ بۇعاتتالعانى تۋرالى حابارلايدى. ەگەر سىزگە وسىنداي قوڭىراۋ تۇسسە نەمەسە حابارلاما كەلسە, اقپاراتتى ادىلەت مينيسترلىگىنىڭ, رەسپۋبليكالىق جانە وڭىرلىك جەكە سوت ورىنداۋشىلار پالاتاسىنىڭ رەسمي سايتتارىندا ءوز بەتىڭىزشە تەكسەرىپ, قاجەت بولعان جاعدايدا بانككە قوڭىراۋ شالۋدى ۇسىنامىز», دەدى تالعات ءۋالي.
ونىڭ ايتۋىنشا, دەرەكتەردى اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسىندە دەربەس تەكسەرۋگە بولادى. بۇل سايتتى ينتەرنەت-براۋزەر ارقىلى كەز كەلگەن ىزدەۋ جۇيەسىنەن تابۋعا بولادى.
«ەگەر ءسىز بورىشكەر بولساڭىز, وندا ءسىزدىڭ قارىزىڭىز تۋرالى اقپارات, سوت ورىنداۋشىسىنىڭ اتى-ءجونى جانە ونىڭ تەلەفونى كورسەتىلەدى. ەگەر ءسىز بورىشكەر بولماساڭىز, وندا قىزعىلت سارى تۇسپەن «سۇرانىس بويىنشا ەشتەڭە تابىلمادى» دەگەن جازۋ شىعادى. بۇل ءسىزدىڭ شوتتارىڭىز بەن م ۇلىكتەرىڭىزگە ەشكىم تىيىم سالا المايتىنىن بىلدىرەدى. تەك رەسمي دەرەككوزدەرگە سەنىڭىز, دەرەكتەردى بەلگىسىز تۇلعالارعا بەرمەڭىز», دەپ ناقتىلادى ۆەدومستۆو وكىلى.
