تۇركىستان ء«بىلىم-يننوۆاتسيا» ليتسەيىنىڭ وقۋشىسى بۇل جەتىستىككە بىردەن جەتپەگەن. 7-سىنىپقا قادام باسقالى, ول ءوزىن ءتۇرلى باعىتتاردا سىنعا سالىپ, بىرنەشە جەتىستىككە قول جەتكىزگەن.
«جوعارى سىنىپتاردا ينتەللەكتۋالدى جارىستارعا قىزىعا باستادىم. ولاردىڭ ىشىندە شاحماتقا ەرەكشە نازارىم اۋدى. ناتيجەسىندە, وبلىستىق دەڭگەيدە وتكەن ءتۇرلى بايقاۋلاردان جۇلدەلى ورىنداردى يەلەنىپ ءجۇردىم. ال 8-سىنىپتا ءىت سالاسىن مەڭگەرە باستادىم. رەسپۋبليكالىق دەڭگەيدە وتكەن «Hackathon» اتتى سايىستان التىن مەدالدى جەڭىپ الدىم. وسى ءىس-شارادان العان تاجىريبەم «قازاقستان ءبىلىم وليمپياداسىنان» ءبىرىنشى ورىن الۋىما سەبەپكەر بولدى», دەيدى زەرەك جىگىت.
بۇل جەتىستىكتەر مەن ىزدەنىستەر 11-سىنىپقا كەلگەندە ءوز ناتيجەسىن بەردى.
جوعارى وقۋ ورنىنا ءتۇسۋدى ماقسات تۇتقان ول ەڭ اۋەلى اعىلشىن تىلىنەن IELTS ەمتيحانىن تاپسىرادى. سودان سوڭ تالاپكەر ماماندىعىنا قاتىستى الەمنىڭ ۇزدىك دەگەن ۋنيۆەرسيتەتتەرىنىڭ ەمتيحانىنان ءوتىپ, قۇجاتتارىن ۇسىنادى. ناتيجەسىندە, يسلامنىڭ ەلەكتروندى پوشتاسىنا 40-تان استام جوعارى وقۋ ورنىنان شاقىرتۋ كەلەدى. «قازىر اقش-تىڭ تەحاس شتاتىنداعى حيۋستون قالاسىندا ورنالاسقان «North American University (NAU)» وقۋ ورنىن تاڭداپ وتىرمىن. بيزنەس-فينانس ماماندىعىن مەڭگەرسەم دەيمىن», دەيدى ول.
شەتەلدە ءبىلىم الىپ, كەيىن وتانىنا ۇلكەن تاجىريبەمەن, ءبىلىم ازىعىمەن ورالىپ, پايدا اكەلۋگە جەتەلەيتىن بۇل مۇمكىندىك يسلامنىڭ بەس جىلدىق ەڭبەك پەن ىزگى نيەتىنىڭ جەمىسى سىڭايلى. شەتەلدىك شاقىرتۋلاردان رەكورد ورناتقان جاس جەتكىنشەككە ءبىز دە اق جول تىلەيمىز!
