ءار كۇنى ەرەكشە جازعى مەكتەپ

وقۋشىلاردى تاڭەرتەڭ 9.00-دە كۇتىپ الىپ, بىرگە تاڭعى جات­تىعۋ جا­سايمىز. ءار كۇننىڭ تابىس­تى, نا­تي­جەلى ءوتۋى تاڭدى قالاي باس­تاعان­عا بايلانىستى. تاڭعى جات­­تىعۋدى ادەتكە اينالدىرۋ بو­يى­ڭىز­داعى وڭ وزگەرىستەرگە اكە­لەدى سەرگەك جۇرەسىز, تىنىس الۋ جەڭىل­دەيدى, كۇش-قۋاتىڭىز تاسيدى. سول سەبەپتى مەكتەپىشىلىك الاڭ جۇ­مىسى تاڭعى سەرگىتۋ جاتتىعۋىنان باس­تا­لادى.

ودان كەيىن ءار كۇندى ەرەكشە, ءبىر-ءبىرىن قايتالامايتىن­داي ۇيىم­داستىرۋعا تىرىستىق. مىسالى, العاشقى كۇنى بالالار دوپپەن سەكىرۋ جاتتىعۋىن وينادى. ولاردىڭ كوڭىل كۇيى تاماشا سەرگەك بولدى. ەكىنشى كۇنى «ويىن-كۇلكى – دارۋمەن» تاقىرىبىندا «قوجاناسىر قورجىنى» ويىنى ۇيىمداستىرىلدى. ويىننىڭ ماق­ساتى بالالاردىڭ كوڭىل كۇيىن كوتەرۋ, قازاق تىلىنە دەگەن قىزى­عۋشىلىقتارىن ارتتىرۋ, لوگي­كالىق ويلاۋ قابىلەتتەرىن ارتتىرۋعا باعىتتالدى. ءۇشىنشى كۇنى «دوس بولايىق ءبارىمىز» تاقىرىبىندا بالارمەن ۇيىمداسىپ دوستىققا, تاتۋلىققا شاقىراتىن «تولاعاي» ويىنى وينالدى. ءتورتىنشى كۇنى قۋىرشاق تەاترى كەلدى, بىرلىككە, اۋىزبىرشىلىككە باۋلۋ باعىتىندا وقۋشىلارعا «شالقان» ەرتەگىسىنىڭ قويىلىمى كورسەتىلدى. بەسىنشى كۇنى «جاس قۇتقارۋشى» كۇنىنە مەك­تەبى­مىزدىڭ مەدبيكەسى روزا تەلەۋ­باەۆا بالا­لارعا العاشقى كومەك كور­سەتۋ ەرە­جەلەرى تانىس­تىرىلىپ, تاجى­ري­بەلىك تۇرعىدا ءتۇسىندىرىپ, كور­سەتتى.

جازعى مەكتەپتە ارنايى بول­مە­لەر بەزەندىرىلىپ, سانيتارلىق تالاپقا ساي جۇمىستار جۇرگىزىلدى. اسىعا كۇتكەن بالالاردىڭ جازعى دەمالىسىن الاڭدا قىزىق وتكىزۋ ماقساتىندا ءتۇرلى ءىس-شارالار بايقاۋلار مەن سايىستار وتكىزىلدى. سونىمەن قوسا توپتاعى وقۋشىلارعا مەكتەپ مەدبيكەسى دارۋمەندەر, اۋرۋدان ساقتانۋ جولدارى, گيگيە­نانى ساقتاۋ تۋرالى دارىگەرلىك كەڭەستەر بەرىپ, بالالاردىڭ جاع­دايىن باقىلايدى. سپورتتىق «تولاعاي» ەستافەتالىق ويىندار وتكىزىلدى. توپقا ءبولىنىپ, سپورتتىق ويىنعا قاتىستى. سونىمەن قاتار ارنايى ازىرلەگەن «ۇلتتىق قۇن­دى­لىقتار» بولمەسىندە دومبىرامەن كۇي شەرتىپ, شاشكى مەن شاحمات ويىن تۇرلەرىنەن بايقاۋلار ۇيىم­داستىرىلدى. ارنايى جوس­پارعا ساي, توپ جەتەكشىلەرى ءتۇرلى تاقىرىپتاردا لوگيكالىق ويىندار ۇيىمداستىردى. الاڭ جەتەكشىلەرى كۇندەلىكتى جاقسى كوڭىلمەن بالالاردى قارسى الۋعا ءاردايىم دايىن.

قورىتىندىلاي كەلە, جازعى مەكتەپ, جازعى ساۋىقتىرۋ الاڭى بالالاردىڭ كوڭىلىنەن شىقتى.

گۇلسىم ابديبەكوۆا,

م.ماقاتاەۆ اتىنداعى

№13 ورتا مەكتەبىنىڭ مۇعالىمى

الماتى وبلىسى,

ىلە اۋدانى