بايقاۋعا 12 اتالىم بويىنشا 300-دەن استام ءوتىنىش ءتۇستى. ونىڭ ىشىندە رەسپۋبليكالىق جانە ايماقتىق تەلەارنالار, ستۋديالار مەن كومپانيالار قاتىستى. قىسقا تىزىمگە 48 جۇمىس ەنىپ, بيىل «توتەنشە جاعداي كەزىندە تۇسىرىلگەن ۇزدىك رەپورتاج» اتتى جاڭا اتالىم قوسىلدى.
پرەزيدەنتتىڭ كەڭەسشىسى – ءباسپاسوز حاتشىسى بەرىك ءۋالي «Qazsport» تەلەارناسىنا «تۇمار-2024» ارنايى جۇلدەسىن تابىس ەتسە, مادەنيەت جانە اقپارات ءمينيسترى ايدا بالاەۆا «Almaty» تەلەارناسىنا ارنايى جۇلدە تابىستادى. جەڭىمپازدارعا «تۇمار» مۇسىنشەسىمەن قاتار, وتاندىق تەلەۆيزيا سالاسىنداعى ەڭ جوعارى جەتىستىكتەرى ءۇشىن 1 ميلليون تەڭگە كولەمىندە اقشالاي سىياقى بەرىلدى.
ايتا كەتەيىك, «تۇمار» ۇلتتىق بايقاۋى العاش رەت 2017 جىلى مادەنيەت جانە اقپارات مينيسترلىگىنىڭ باستاماسىمەن قۇرىلعان. بايقاۋدىڭ باستى ماقساتى – قازاقستاندىق تەلەۆيزيانىڭ ساپالى دامۋىنا ىقپال ەتۋ, تەلەۆيزيالىق كونتەنت وندىرىسىندە تالانتتى مامانداردى قولداۋ جانە ونىڭ ەڭ مىقتى وكىلدەرىن ماداقتاۋ.
سونىمەن, بيىلعى بايقاۋدا ۇزدىك شىققاندارعا توقتالساق, جاڭادان قوسىلعان «توتەنشە جاعداي كەزىندە تۇسىرىلگەن ۇزدىك رەپورتاج» اتالىمىندا «Qazaqstan» تەلەارناسىنىڭ «الاپات تاسقىن» باعدارلاماسى توپ جاردى.
بۇدان بولەك, «ۇزدىك جۋرناليستىك زەرتتەۋ» اتالىمىندا «Atameken Business» تەلەارناسىنىڭ «ەكونوميكا vs ەكولوگيا: سۋ ۇنەمدەۋدىڭ جولدارى قانداي؟» ارنايى رەپورتاجى, «ۇزدىك aقپاراتتىق باعدارلاما» اتالىمىندا «Astana TV» تەلەارناسىنىڭ «Astana Times» جاڭالىقتار قىزمەتى, «ۇزدىك aناليتيكالىق باعدارلاما» اتالىمىندا «حابار» تەلەارناسىنىڭ «جەتى كۇن», «ۇزدىك الەۋمەتتىك جوبا» اتالىمىندا «Qyzylorda» تەلەارناسىنىڭ «قۇدايى قوناق», «ۇزدىك دەرەكتى فيلم» اتالىمىندا «Jibek Joly TV» تەلەارناسىنىڭ «شەتەلدەگى قازاق بالالارى», «ۇزدىك تەلەحيكيا» اتالىمىندا «نتك» تەلەارناسىنىڭ «موشەننيكي», «ۇزدىك وڭىرلىك توك-شوۋ» اتالىمىندا «جەتىسۋ» تەلەارناسىنىڭ ء«دىلمار» باعدارلامالارى وق بويى وزىق شىقسا, «ۇزدىك وڭىرلىك تەلەارنا» اتاعىن ورالدىق «تدك-42» تەلەارناسى يەلەندى.
«جەتىنشى ارنانىڭ» «اۋىلDone» باعدارلاماسى بالالارعا ارنالعان ۇزدىك باعدارلاما دەپ تانىلسا, «حابار» تەلەارناسىنىڭ قىزمەتكەرى گريگوري بەدەنكو «ۇزدىك تەلەجۋرناليست», «كتك» تەلەارناسىنىڭ قىزمەتكەرى ءمادينا بالعاباەۆا «ۇزدىك تەلەجۇرگىزۋشى» اتالىمىندا توپ جاردى.
