مەملەكەت باسشىسى داۋىس بەرۋ راسىمىنە قاتىستى

استانا. 26 ءساۋىر. مەملەكەت باسشىسى نۇرسۇلتان ءابىش ۇلى نازارباەۆ استاناداعى وقۋشىلار سارايىندا ورنالاسقان № 81-ءشى سايلاۋ ۋچاسكەسىندە داۋىس بەردى. بۇل تۋرالى egemen.kz ءتىلشىسى حابارلادى. «بۇگىندە ەلىمىزدە تاريحي ماڭىزدى وقيعا – جالپىۇلتتىق پرەزيدەنت سايلاۋى وتۋدە. وتاندىق جانە شەت مەملەكەتتەردەگى سايلاۋ ۋچاسكەلەرىن الاتىن بولساق, ولاردىڭ سانى 9700-دەن اسادى جانە 9,5 ملن-عا جۋىق ادام داۋىس بەرۋ قۇقىنا يە. بۇگىن بۇل ازاماتتاردىڭ ءاربىرى ءوز كونستيتۋتسيالىق قۇقىعىن ورىنداپ, ءوز بولاشاعىن تاڭداي الادى, بولاشاق باعىتىمىزدى ايقىنداپ, بيلىككە باعا بەرە الادى, – دەدى ن.نازارباەۆ داۋىس بەرۋ راسىمىنەن كەيىن بۇقارالىق اقپارات قۇرالدارى وكىلدەرىنە بەرگەن سۇحباتىندا. – وسى سايلاۋعا ءبىر كىسىدەي اتسالىسقان بارلىق باقىلاۋشىعا, تىلشىلەر قاۋىمىنا, باق وكىلدەرىنە العىسىمدى بىلدىرەمىن. بارىڭىزگە راحمەت!». ەستەرىڭىزگە سالا كەتەيىك, داۋىس بەرۋ جەرگىلىكتى ۋاقىت بويىنشا تاڭعى ساعات 7.00-دەن 20.00-گە دەيىن 9741 سايلاۋ ۋچاسكەسىندە وتەدى. ونىڭ ىشىندە قازاقستان رەسپۋبليكاسىنىڭ شەت مەملەكەتتەردەگى وكىلدىكتەرىنىڭ جانىنان اشىلعان 65 سايلاۋ ۋچاسكەسى بار. قازاقستان رەسپۋبليكاسى پرەزيدەنتى سايلاۋىنىڭ الدىن الا قورىتىندىسى 27 ساۋىردە جاريالانادى. داۋىس بەرۋ اياقتالعاننان كەيىن ۋچاسكەلىك سايلاۋ كوميسسيالارى 12 ساعاتتىڭ ىشىندە داۋىستاردى ساناۋعا مىندەتتى. وسىدان كەيىن قۇجاتتار اۋماقتىق سايلاۋ كوميسسيالارىنا جەتكىزىلىپ, ءاربىر سايلاۋ كوميسسياسى دەڭگەيىندە داۋىس بەرۋدىڭ الدىن الا قورىتىندىسى بويىنشا سايكەسىنشە حاتتاما جاسالادى. ال 7 كۇننىڭ ىشىندە سايلاۋدىڭ سوڭعى قورىتىندىسى شىعارىلادى. ءلايلا ەدىقىزى. دەرەك: egemen.kz. سۋرەت: nur.kz.