فوتو: Telegram/modgovkz
رەسمي حابارلاما قورعانىس مينيسترلىگىنىڭ Telegram-ارناسىندا جاريالاندى.
«2024 جىلعى 3-4 شىلدەدە شانحاي ىنتىماقتاستىق ۇيىمى ءسامميتىن وتكىزۋ كەزىندە استانا قالاسىندا ەلوردانىڭ اۋە كەڭىستىگىن كۇزەتۋ كۇشەيتىلەدى. وسىعان بايلانىستى 28 ماۋسىم مەن 1 شىلدە ارالىعىندا قارۋلى كۇشتەر اۆياتسياسىنىڭ ۇشۋ قاۋىپسىزدىگى ەرەجەلەرىنە سايكەس جاتتىعۋ ۇشۋلارى وتكىزىلەدى. استانا تۇرعىندارى مەن قوناقتارىنان وتكىزىلەتىن ءىس-شارالارعا تۇسىنىستىكپەن قاراۋدى سۇرايمىز», دەلىنگەن حابارلامادا.
2024 جىلدىڭ 27 ماۋسىمىندا شانحاي ىنتىماقتاستىق ۇيىمى (شىۇ) سامميتىنە دايىندىق جۇمىستارىنا بايلانىستى استانا ماڭىندا جول توسقاۋىلدارى قويىلعانى بەلگىلى بولدى.
سونىمەن قاتار ىشكى ىستەر مينيسترلىگى اتاپ وتكەندەي, ازاماتتاردىڭ ءجۇرىپ-تۇرۋىنا ەشقانداي شەكتەۋلەر جوق جانە قالانى ەشكىم جاپپاعان. بىراق كەيىنىرەك قر مەملەكەتتىك كۇزەت قىزمەتى ەلوردا تۇرعىندارى مەن قوناقتارىنا 28 ماۋسىمدا قالاداعى جولدار جابىلاتىنىن ەسكەرتتى.
