فوتو: zhts.kgd.gov.kz/
ء«بىز ءار سالادا زاڭ ۇستەمدىگىن قامتاماسىز ەتۋ ءۇشىن ناقتى شارالار قابىلداپ جاتىرمىز. قازاقستان – قۇقىقتىق مەملەكەت. ال كەز كەلگەن قۇقىقتىق مەملەكەتتە ازاماتتار مەن ينستيتۋتتاردىڭ بارلىعى زاڭداردى, ەرەجەلەر مەن نورمالاردى مۇلتىكسىز ساقتاۋعا ءتيىس», دەدى پرەزيدەنت.
مەملەكەت باسشىسىنىڭ ايتۋىنشا, قوعامداعى قاراما-قايشىلىقتار مەن كەلىسپەۋشىلىكتەر ۇلتتىق زاڭناماعا جانە نەگىزگى حالىقارالىق نورمالارعا سايكەس شەشىلۋى كەرەك. سوندا عانا ءبىز بەرەكەلى جانە ادىلەتتى قوعام قۇرامىز.
«سوندىقتان زاڭ مەن ءتارتىپ قاعيداتىن بارشاعا جانە ءاربىر ادامعا بىردەي مۇمكىندىك بەرەتىن ادىلەتتى قازاقستاندى قۇرۋ ءۇشىن بەرىك ىرگەتاس دەپ قاراعان ءجون. ءبىز, ەڭ الدىمەن, جەمقورلىقتى تۇبىرىمەن جويۋىمىز كەرەك. مەن وسى ماسەلەگە ايرىقشا ءمان بەرەمىن. ءبىز قوعامدا بۇل كەسەلدىڭ بار ەكەنىن جاسىرمايمىز. اشىق ايتامىز دەپ, ونىڭ زاردابىن دا تارتىپ جاتامىز. ءتىپتى, كەيدە شەتەلدىكتەر دە, ءوز ازاماتتارىمىز دا قازاقستاندى جەمقورلىققا بەلشەسىنەن باتقان ەل دەپ ويلايدى. بۇل شىندىققا ەش جاناسپايدى. ەل مۇددەسى ءۇشىن ەڭبەك ەتىپ جۇرگەن ادال ازاماتتار از ەمەس. قايتالاپ ايتامىن: جەمقورلىق – كەسەل. ءبىز تۇتاس قوعام بولىپ وعان قارسى تۇرۋىمىز كەرەك. سوندا عانا ناتيجە بولادى», دەدى ەل پرەزيدەنتى.
