باتىس قازاقستاندا حالىق ازاماتتىق پارىزعا ادالدىق تانىتۋدا

ورال. 26 ءساۋىر. بۇگىنگى پرەزيدەنت سايلاۋى باتىس قازاقستان وبلىسى اقجايىق اۋدانى بۋدارين اۋىلدىق وكرۋگىندە دە بەلسەندىلىكپەن وتۋدە. بۇل تۋرالى اتالعان اۋىلداعى مادەنيەت ءۇيىنىڭ جەتەكشىسى نۇربولات ساندىبەكوۆتىڭ سوزىنە سىلتەمە جاساپ, egemen.kz ءتىلشىسى حابارلادى. تۇرعىنداردىڭ بويىنان ازاماتتىق پارىزعا ادالدىق, ەلىمىزدىڭ جارقىن تاعدىرىنا اسەر ەتەتىن بۇل كۇنگە دەگەن جاۋاپكەرشىلىك ايقىن سەزىلدى. «مەملەكەتىمىزدىڭ مەرەيى ارتا بەرسىن, جاقسىلىعىمىز باياندى بولسىن!» دەگەن لەبىزدەر ايتىلدى. «حالىقتىڭ بەلسەندىلىگىن كورىپ كوڭىلىم قۋانىپ تۇر. 2004 جىلى وزبەكستاننان ورالمان رەتىندە اتاجۇرتقا كەلگەن ەدىك. سودان بەرى مەملەكەتىمىزدىڭ, ماڭايىمىزداعى جۇرتتىڭ قامقورلىعىن كورىپ كەلەمىز. بىلتىر رەسپۋبليكالىق «مەرەيلى وتباسى» ۇلتتىق بايقاۋىنا قاتىسىپ, ەلباسىمىز نۇرسۇلتان نازارباەۆپەن جۇزدەسۋ باقىتىنا يە بولدىق. بۇگىن وتاننىڭ كوركەيە بەرۋى جانە باقىتىمىزدىڭ باياندى بولۋى ءۇشىن داۋىس بەردىك.», – دەيدى نۇربول ساندىبەكوۆ. تەمىر قۇسايىن. دەرەك: egemen.kz. سۋرەت: dknews.kz.