بۇعان دەيىن, ادۆوكات ەرلان عازىمجانوۆ بيشىمباەۆقا تاعىلعان «اسا قاتىگەزدىكپەن ادام ءولتىرۋ» قك 99-بابىن «ابايسىزدا ولىمگە اكەپ سوقتىرعان دەنساۋلىققا اۋىر زيان كەلتىرۋ» قك 106-بابىنا اۋىستىرىپ, جازانى جەڭىلدەتۋدى سۇراعان. ال ازاپتاۋ بويىنشا ايىپتى مۇلدە الىپ تاستاپ, ونى جاڭا قۇراممەن جاڭادان قاراۋدى تالاپ ەتتى.
ەسكە سالايىق, قۋاندىق بيشىمباەۆ مارقۇم ايەلى سالتانات نۇكەنوۆانى اسا قاتىگەزدىكپەن, قيناپ ولتىرگەنى ءۇشىن 13 مامىردا 24 جىلعا باس بوستاندىعىنان ايىرىلعان, ال ونىڭ قىلمىسىن جاسىردى دەپ ايىپتالعان ءىنىسى باقىتجان بايجانوۆ 4 جىلعا سوتتالعان بولاتىن.
