سولتۇستىك قازاقستاندا سايلاۋشىلار بەلسەندىلىگى جوعارى

پەتروپاۆل. 26 ءساۋىر. بۇل كۇنگە سولتۇستىكقازاقستاندىقتار دا ەرەكشە مەرەكەلىك كوڭىل-كۇيمەن دايىندالىپ,  تاڭمەن تالاسا سايلاۋ ۋچاسكەلەرىنە كەلە باستادى. بۇل تۋرالى egemen.kz ءتىلشىسى حابارلادى. «سايلاۋ ۋچاسكەسى  اۋماعىنداعى  تۇرعىلىقتى مەكەنجايلار بويىنشا 380 مىڭنان استام ادام تىزىمگە الىنىپ,  709 سايلاۋ  ۋچاسكەلىرىندە ءوز تاڭداۋلارىن جاسايتىن بولادى.  دەمالىس ۇيلەرىندە, ەمحانالاردا, قاتىناۋى قيىن ەلدى مەكەندەردە  ۇيىمداستىرۋ شارالارىن تىڭعىلىقتى وتكىزۋ جان-جاقتى قاراستىرىلعان. سونداي-اق,  اۋرۋ-سىرقاۋلى, ءجۇرىپ-تۇرۋى قيىن ادامدار ءۇشىن 141  كوشپەلى جاشىك جۇمىس ىستەيتىن بولادى. اۆستريادان, سلوۆاكيادان, كورشى رەسەيدىڭ شەكارالاس وبلىستارىنان 50 جۋىق بايقاۋشى سايلاۋ  ۇدەرىسىن قاداعالاۋعا اتسالىسۋدا. ءبىر سوزبەن ايتقاندا, كەزەكتەن تىس  پرەزيدەنت سايلاۋىن, ءادىل  اشىقتىقپەن وتكىزۋدى بارلىق مۇمكىندىكتەرى قامتاماسىز ەتىلگەن», – دەدى باق وكىلدەرىمەن وتكىزگەن بريفينگتە وبلىستىق سايلاۋ كويميسسياسىنىڭ توراعاسى اسقار ساقىپكەرەەۆ. اسقار جولامان ۇلىنىڭ  ءسوزى ىسپەن ساباقتاساتىنىن  سايلاۋ ۋچاسكەلەرىن ارالاۋ بارىسىندا كوز جەتكىزدىك.  الدىمەن ءوزىمىز داۋىس بەرەتىن  № 23 مەكتەپتەگى № 684 سايلاۋ  ۋچاسكەسىنە ات باسىن تىرەدىك.  سايلاۋ كوميسسياسىنىڭ ءتورايىمى  ءتانزيلا حاسەنوۆانىڭ مالىمدەۋىنشە سايلاۋشىلاردىڭ بەلسەندىلىگى  جوعارى. جاس سايلاۋشىلاردىڭ قاتارىندا  الەكساندر الەكساندروۆيچ پەن انتون شاقشاقباەۆ  الدىڭعىلاردىڭ قاتارىندا جەتىپ,  سىيلىقتارعا يە بولىپتى. «تىزىمدە 2360 سايلاۋشى بار.10 كابينا ورناتىلعان.  ەشقانداي  ىركىلىس, كىدىرىس جوق. 50 ادام ۇيدە داۋىس بەرۋگە ءوتىنىش ءتۇسىردى»,– دەدى بىزگە  ءتانزيلا  ىبىرايقىزى. «سايلاۋعا باقىلاۋ جاساۋ جونىندەگى رەسپۋبليكالىق قوعامدىق كوميسسيا» وبلىستىق فيليالى اتىنانا  باقىلاۋشى رەتىندە قاتىسىپ وتىرعان مارينا  سكمىكينا  سايلاۋدىڭ  اشىق ءوتىپ جاتقانىن, ەشقانداي زاڭ بۇزۋشىلىقتىڭ ورىن الماعانىن جەتكىزدى. وسىندا ورنالاسقان № 685 سايلاۋ ۋچاسكەسىنىڭ ءتورايىمى يرينا ۆلاسوۆا تىزىمگە 2431 سايلاۋشى الىنعانىن,  ساياسي ناۋقاننىڭ جوعارى دەڭگەيدە ءوتىپ جاتقانىن العا تارتتى. بالالار جانە جاسوسپىرىمدەر ورتالىعىندا ورنالاسقان № 644 سايلاۋ ۋچاسكەسىنە كەلگەنىمىزدە  ءوز تاڭداۋىن ايقىنداۋعا كەلگەن قالىڭ كەزەككە كەزىكتىك. سولاردىڭ ءبىرى  ءدال وسى كۇنى 80 جاسقا تولىپ وتىرعان  ماريا  لەونوۆا دۋىس بەرۋگە  كەزەكسىز وتكىزىلىپ,  ارنايى  سىيلىق  تارتۋ ەتىلدى.  مۇندا دا جوعارى ۇيىمشىلدىقتىڭ كۋاسى بولدىق. تاڭەرتەڭگى ساعات 10.00-دە  وبلىس سايلاۋشىلارىنىڭ 18,34 پايىزى ءوز تاڭداۋلارىن جاساسا,  ساعات 12.00-دە 50 پايىزدان اسۋى  سولتۇستىكقازاقستاندىقتاردىڭ  ساياسي بەلسەندىلىگىنىڭ جوعارىلىعىن تانىتسا كەرەك.  ال,  22 سايلاۋ ۋچاسكەسىندە داۋىس بەرۋدىڭ  اياقتالعان. ءومىر ەسقالي. دەرەك: egemen.kz سۋرەت: تالعات تانىباەۆ.