فوتو: ANTIKOR
وسى جىلدىڭ اقپانىندا قازاقستان پرەزيدەنتى قاسىم-جومارت توقاەۆتىڭ قاتارعا جۇمىس ساپارى بارىسىندا ەكى مەملەكەت اراسىنداعى ىنتىماقتاستىقتى ارتتىرۋعا باعىتتالعان ءىس-شارالار بەلگىلەندى. ونىڭ ىشىندە جەمقورلىققا قارسى بىرلەسكەن كۇرەس جۇمىسى دا بار. وسى ماقساتتا قوس تاراپ «پاراساتتىلىق پەن اشىقتىقتى ىلگەرىلەتۋ جونىندەگى ءوزارا تۇسىنىستىك تۋرالى مەموراندۋمعا» قول قويدى. ونىڭ اياسىندا سىبايلاس جەمقورلىققا قارسى ءىس-قيمىل اگەنتتىگى مەن قاتاردىڭ اكىمشىلىك باقىلاۋ جانە اشىقتىق باسقارماسى جول كارتاسىنا قول قويۋ جوسپارلاندى.
24 ماۋسىم كۇنى قاتاردىڭ سىبايلاس جەمقورلىققا قارسى ۆەدومستۆوسىنىڭ (اكىمشىلىك باقىلاۋ جانە اشىقتىق باسقارماسى) باسشىسى حاماد بين ناسەر راشيد ال-ميسنەد مىرزا باستاعان دەلەگاتسياسى قازاقستانعا ساپارمەن كەلدى.
ءىس-ساپار اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اسحات جۇماعالي اكىمشىلىك باقىلاۋ جانە اشىقتىق باسقارماسىنىڭ پرەزيدەنتىمەن ەكىجاقتى كەزدەسۋ وتكىزدى.
جيىن بارىسىندا تاراپتار ەكى ەلدىڭ جەمقورلىققا قارسى قىزمەتتەرىنىڭ جۇمىسى, مەملەكەتتىك ورگانداردىڭ باسىم باعىتتارىن تالقىلاپ, ءوزارا ءىس-قيمىل جونىندەگى جول كارتاسىنا قول قويدى.
قازاقستاننىڭ سىبايلاس جەمقورلىققا قارسى قىزمەتى جەمقورلىقتى جويۋ, اكتيۆتەردى قايتارۋ, بيزنەستى قورعاۋ, قۇقىقتىق كومەك كورسەتۋ, بيۋدجەت قاراجاتى مەن ساتىپ الۋدىڭ ماقساتتى پايدالانىلۋىنا مونيتورينگ جۇرگىزۋ بويىنشا جۇيەلى شارالاردى تانىستىردى.
سونىمەن قاتار اگەنتتىك توراعاسى بالالار مەن جاستارعا جەمقورلىققا قارسى ءبىلىم بەرۋ مەن تاربيەلەۋ, سونداي-اق تسيفرلاندىرۋ بويىنشا جۇرگىزىلىپ جاتقان جۇمىستارعا توقتالدى.
قاتارلىق تاراپ الماتى قالاسىنىڭ اكىمى ەربولات دوساەۆپەن دە كەزدەستى. جيىندا وتاندىق جانە شەتەلدىك ينۆەستورلار ءۇشىن قولايلى ينۆەستيتسيالىق احۋالدى قالىپتاستىرۋعا ەرەكشە كوڭىل بولىنەتىنىن اتاپ ءوتتى. بۇل رەتتە بيزنەس الدىندا مەملەكەتتىك ورگاندار جەمقورلىققا قارسى مادەنيەت قالىپتاسقان ۇلكەن جاۋاپكەرشىلىكتى ارقالايدى. وسى باعىتتا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى بەلسەندى ءرول اتقارادى.
ءىس-شارادا ۇلتتىق بانك, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى جانە ەلەكتروندىق قارجى ورتالىعىنىڭ وكىلدەرى تسيفرلىق ۇكىمەتتىڭ قىزمەتى جانە مەملەكەتتىك ساتىپ الۋ جۇيەسىن تسيفرلاندىرۋدىڭ ەرەكشەلىكتەرى تۋرالى بايانداما جاسادى.
انتيكور توراعاسى ا. جۇماعالي قاتار باسشىلىعىن وسى جىلدىڭ سوڭىنا جوسپارلانعان بۇۇ سىبايلاس جەمقورلىققا قارسى كونۆەنتسياسىنىڭ نورمالارىن جەدەل ەنگىزۋ ماقساتىندا ورتالىق ازيا ەلدەرى ءۇشىن وڭىرلىك پلاتفورما كونفەرەنتسياسىنا قاتىسۋعا شاقىردى.
ءوز كەزەگىندە قاتاردىڭ سىبايلاس جەمقورلىققا قارسى ۆەدومستۆوسى 2024 جىلعى قاراشادا قاتاردا وتەتىن حالىقارالىق سىبايلاس جەمقورلىققا قارسى كونفەرەنتسياعا شاقىردى.
كەزدەسۋ اياسىندا قاتاردان كەلگەن دەلەگاتسيا وكىلدەرى ەلىمىزدىڭ مادەني جانە تاريحي قۇندىلىقتارىمەن دە تانىستى.
ءىس-شارا قورىتىندىسى بويىنشا تاراپتار جەمقورلىقتىڭ سەبەپتەرى مەن سالدارىن نەعۇرلىم ءتيىمدى تالداۋ, ىنتىماقتاستىقتى نىعايتۋ جانە ەكى ەلدىڭ دامۋى ماقساتىندا تاجىريبە الماسۋدى جالعاستىرۋعا كەلىستى.
