فوتو: Atyrau online
Atyrau online تەلەگرام ارناسىنىڭ مالىمەتىنشە, وتباسى ساياباقتا سەرۋەندەپ جۇرگەن كەزىندە كەنەتتەن نوسەر قۇيعان.
سالدارىنان جەڭىس ساياباعىنداعى ۇلى وتان سوعىسى ارداگەرلەرىنە ارنالعان ەسكەرتكىشتەردىڭ ءبىرى جەتى جاسار قىزدىڭ ۇستىنە قۇلادى.
بالا العان جاراقاتتارىنان وبلىستىق بالالار اۋرۋحاناسىنىڭ جانساقتاۋ بولىمىندە كوز جۇمدى.
«قازىر بۇل فاكتى بويىنشا تەرگەۋ ءجۇرىپ جاتىر. سوت-مەديتسينالىق ساراپتاما تاعايىندالدى. باسقا مالىمەتتەر تەرگەۋ مۇددەسى ءۇشىن جاريا ەتىلمەيدى», دەپ حابارلادى اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى.
بەيرەسمي دەرەكتەرگە قاراعاندا, نوسەر كەزىندە وتباسى ەسكەرتكىشتىڭ ارتىن پانالاعان.
