جوعارىدا اتالعان دەربەس ءبىلىم بەرۋ ۇيىمىنىڭ باسقارما توراعاسى ءانۋار جانعوزين ءوز سوزىندە نازارباەۆ زياتكەرلىك مەكتەپتەرى ارقاشان ءوز تاجىريبەسىن بولىسۋگە دايىن ەكەنىن ايتا كەلىپ: ء«بىزدىڭ نازارىمىز, اسىرەسە اۋىل مەكتەپتەرىنە ءتۇستى. سوندىقتان بالالاردىڭ ساپالى ءبىلىم الۋى ءۇشىن وتاندىق مەكتەپتەردىڭ ىشكى الەۋەتىن بىرلەسىپ دامىتىپ جاتقانىمىزعا قۋانىشتىمىز», دەدى ول.
تسەلينوگراد اۋدانىنىڭ قاراوتكەل اۋىلىنداعى مەكتەپ بازاسىندا 30 اۋىلدىق ءبىلىم وشاعىنىڭ ديرەكتورى مەن ورىنباسارى ستراتەگيالىق جوسپارلاۋ ادىستەرىنىڭ تەحنولوگياسىمەن تانىسىپ, مەكتەپتى دامىتۋ باعدارلاماسىن ازىرلەۋدى ۇيرەندى. سونداي-اق مەكتەپ بويىنشا دەرەكتەر نەگىزىندە شەشىم قابىلداۋ جانە قابىلدانعان باسقارۋشىلىق شەشىمدەردىڭ تيىمدىلىگىن باعالاۋ داعدىلارىن پىسىقتادى.
جوبا اياسىندا نازارباەۆ زياتكەرلىك مەكتەپتەرى ۇيىمىنىڭ پەداگوگيكالىق شەبەرلىك ورتالىعى تسەلينوگراد اۋدانىنىڭ مەكتەپتەرىندە پەداگوگتەردىڭ كاسىبي قاجەتتىلىكتەرىنە زەرتتەۋ جۇرگىزىپ, ساباقتاردى باقىلاۋ جانە جاڭا وقۋ جىلىندا 30 اۋىل مەكتەبىنىڭ باسشىلارى مەن مۇعالىمدەرىنە ارنالعان بىرنەشە بىلىكتىلىكتى ارتتىرۋ كۋرسىن, سەمينار مەن شەبەرلىك ساعاتىن ۇيىمداستىرادى.
– نازارباەۆ زياتكەرلىك مەكتەپتەرىمەن بىرلەسكەن جوبانىڭ ناتيجەسى بىرنەشە اۋىلدىق پەرسپەكتيۆتى ءبىلىم وردالارى بازاسىندا قۇرىلاتىن پەداگوگيكالىق اكادەميا بولماق. ونىڭ جۇمىسى ۇستازداردىڭ تۇراقتى كاسىبي دامۋىنا باعىتتالادى. ول ءۇشىن ءبىز پەداگوگيكالىق شەبەرلىك ورتالىعىمەن بىرگە ترەنەرلەردى دايارلايمىز, – دەيدى «ESEN Foundation» قورىنىڭ وكىلى كاميلا باشاروۆا.
