سۋرەتتى تۇسىرگەن – ەرلان ومار, «EQ»
ادەتتە قىتاي حالىق رەسپۋبليكاسىنىڭ توراعاسى سي ءتسزينپيننىڭ رەمي ساپارى اياسىندا جاريالاناتىن ماقالانىڭ دايارلانۋ ۇدەرىسى وسى ەلدىڭ باق-قا جاۋاپتارى مامانداندىرىمەن بىرلەسىپ تالقىلانادى.
ۆان بين سونداي-اق توراعا ماقالاسىنىڭ رەداكتسيادا قارالىپ, ديزاينەرلەردىڭ ونى بەتكە ورنالاستىرىپ جاتقانىن جانە سونداي-اق باسپاحانادا باسىلۋ ۇدەرىسىن تاسپالاپ, ارنايى روليك ازىرلەيتىنى تۋرالى دا ۇسىنىسىن ايتتى.
سەرىكتەستىك باس ديرەكتورى ديحان قامزابەك ۇلى تىكەلەي اۋدارىلماعان ءماتىننىڭ كەيدە تۇپنۇسقا ماعىنادان اۋىتقىپ كەتەتىن تۇستارى كەزدەسەتىنىن ەسكەرتتى. سول سەبەپتى ماقالانى ورىسشا اۋدارماسىنان ەمەس, نەگىزگى تۇپنۇسقادان, ياعني قىتاي تىلىندەگى ماتىننەن تىكەلەي اۋدارعان دۇرىس دەگەن ۇسىنىسىن جەتكىزدى. ول سونداي-اق ەلىمىزدە قازاق-قىتاي تىلدەرىندە ەركىن دە ساۋاتتى اۋدارما ىسىمەن اينالىساتىن وتاندىق شىعىستانۋشى عالىمداردىڭ بار ەكەنىن دە ايتا كەتتى.
ەكى ەلدىڭ باستى مەديا كومپانيالارى وكىلدەرىنىڭ كەزدەسۋى بارلىق ۇسىنىس بويىنشا ورتاق كەلىسىمگە كەلە العان ءوزارا تۇسىنىستىك جاعدايىندا اياقتالدى.
كەزدەسۋگە قىتاي مەدياكورپوراتسياسى ەۋرازيا بيۋروسىنىڭ استاناداعى تىلشىلەر قوسىنىنىڭ شەف-رەداكتورى چجان يۋياو, «قازاق گازەتتەرى» جشس باس ديرەكتورىنىڭ ءبىرىنشى ورىنباسارى ۆلاديمير كۋرياتوۆ تا قاتىستى.
ەستەرىڭىزگە سالا كەتسەك, الداعى 3-4 شىلدە كۇندەرى استانا قالاسىندا شانحاي ىنتىماقتاستىعى ۇيىمىنىڭ وڭىردەگى جان-جاقتى ديالوگتى نىعايتۋ مەن تۇراقتى دامۋ, بەيبىتشىلىك ماسەلەلەرىنە ارنالعان ءسامميتى وتپەك. اۋقىمدى ءىس-شاراعا الەمنىڭ 16 ەلىنەن مەملەكەت باسشىلارى مەن ۇكىمەت باسشىلارى كەلەدى دەپ كۇتىلىپ وتىر.
