فوتو: peakpx
ىلە اۋدانى ءبىلىم ءبولىمىنىڭ مالىمەتىنشە, بۇعان دەيىن وتباسى ەسەپتە تۇرماعان.
«وتباسىندا بالالارعا زورلىق-زومبىلىق كورسەتۋ تۋرالى ەشقانداي دەرەك تىركەلمەگەن. ادەتتە اناسى مەن اكەسى بىرگە تۇرمايتىن نەمەسە بالالارى بولەك تۇراتىن وتباسىلار تۋرالى اقپاراتتى جيناقتايمىز. بۇل وتباسى ەسەپتە تۇرماعان», دەدى ىلە اۋدانىنىڭ ءبىلىم ءبولىمىنىڭ سەكتور مەڭگەرۋشىسى ماحاببات بيشانعاليەۆا.
بۇل رەتتە اۋىل اكىمى 5 جاسار قىزدىڭ داۋن سيندرومىنا شالدىققانىن راستادى. قىزدىڭ اكەسى IT مامانى بولىپ جۇمىس ىستەگەن-مىس. كورشىلەرى ولاردىڭ قاراپايىم وتباسى بولعانىن العا تارتتى.
«2018 جىلى تۋعان قىز ءالى مەكتەپكە بارماعان, ول الماتىنىڭ تۇركسىب اۋدانىنداعى جەكەمەنشىك بالاباقشانىڭ مەكتەپالدى دايارلىق توبىنا بارعان ەدى», دەپ قوستى ءبىلىم ءبولىمىنىڭ وكىلى.
كەيبىر مالىمەتتەرگە سۇيەنسەك, 41 جاستاعى ايەل وزىنە قول سالار الدىندا الماتىدا تۇراتىن اپكەسىنە بارىپ, قىزىنا جاساعان ارەكەتىن مويىنداعان. سودان كەيىن ول پاتەردەن شىعىپ, الماتىنىڭ ورتالىق دەمالىس ساياباعىنا بەت العان كورىنەدى. شامالى ۋاقىتتان كەيىن كەلىنشەك اتتراكتسيوننان سەكىرىپ كەتكەنى بەلگىلى بولدى.
الماتى وبلىسى پروكۋراتۋراسىنىڭ حابارلاۋىنشا, بۇلدىرشىننىڭ ولىمىنە قاتىستى قر قك 99-بابىنىڭ 3-بولىگى بويىنشا قىلمىستىق ءىس قوزعالدى. قازىرگى تاڭدا تەرگەۋ امالدارى جۇرگىزىلىپ جاتىر.
قر قىلمىستىق-پروتسەستىك كودەكسىنىڭ 201-بابىنا سايكەس سوتقا دەيىنگى تەرگەپ-تەكسەرۋ دەرەكتەرi جاريا ەتiلمەيدى.
