فوتو: ulysmedia.kz
ەكىباستۇز, تەمىرتاۋ, تاراز, جەزقازعاندا جىلىتۋ نىسانىن جوندەۋ ۋاقىتى ءجيى وزگەرگەن. ال قاراعاندى وبلىسىندا جىلىتۋ نىساندارىنداعى پروبلەمالار تەكسەرىلدى.
«بيىل مامىر ايىنىڭ باسىندا ۇكىمەت وتىرىسىندا جوندەۋ مەرزىمىن ۇزارتۋعا جانە ولاردىڭ كولەمىن ازايتۋعا جول بەرمەۋ تۋرالى تاپسىرما بەردىم. الايدا كەگوك وپەراتورى بەكىتكەن جوندەۋ جۇمىستارىنىڭ كەستەسىنە مەنشىك يەلەرىنىڭ قالاۋى بويىنشا ۇنەمى وزگەرىستەر ەنگىزىپ وتىرادى. بيىلدىڭ وزىندە كەستەگە جوندەۋ جۇمىستارىن اۋىستىرۋ بويىنشا 18 رەت وزگەرىس ەنگىزىلدى. بۇل اكىمدىكتەر مەن ەنەرگەتيكا مينيسترلىگىنىڭ قاتىسۋىنسىز جانە كەلىسىمىنسىز جاسالدى», دەدى ولجاس بەكتەنوۆ.
وسىعان بايلانىستى جۇرگىزىلىپ جاتقان جۇمىستاردىڭ ساپاسىن قاداعالاۋ ءبىرىنشى ۆيتسە-پرەمەر رومان سكلياردىڭ جەكە باقىلاۋىنا تاپسىرىلدى.
«رومان ۆاسيلەۆيچ, جەرگىلىكتى جەرلەردە قاجەتتى جەدەل شەشىمدەر مەن قاتاڭ شارالار قابىلداڭىز. جوندەۋ جۇمىستارىنىڭ ساپاسىنا ەرەكشە نازار اۋدارىڭىز», دەپ تاپسىردى ولجاس بەكتەنوۆ.
