سۋرەتتى تۇسىرگەن – ەرلان ومار, «EQ»
اتاپ ايتساق, ۇلتتىق اكادەميالىق كىتاپحانادا ەرتەگى تەراپيا, ينتەللەكتۋالدى كۆەست جانە كىتاپ اكتسيالارى مەن ەكسكۋرسيالارى جوسپارلانىپ وتىر.
الماتى قالاسىنداعى زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانادا بالالارعا ارنالعان تيفلوتۇسىنىكتەرمەن ەرتەگىلەر كورسەتىلەدى, شاحمات, دويبى, توعىزقۇمالاق ۇيىرمەلەرى بويىنشا تۋرنيرلەر ۇيىمداستىرىلادى.
ال اقمولا وبلىسىندا اسفالتتاعى فلەش-سۋرەتتەر بايقاۋى, book land, دومبىرا-باتل, اشىق اسپان استىندا وتەتىن ءىس-شارالار جوسپارلانعان.
سولتۇستىك قازاقستان وبلىسىندا «بالا ءتىلى – بال», «ەرتەگىنى تابىڭىز», «ۆوزمي كنيگۋ ۆ دوروگۋ» سىندى ءتۇرلى تاقىرىپتار اياسىندا بالالاردىڭ جاس ەرەكشەلىكتەرىنە قاراي ءتۇرلى ءىس-شارا وتەدى.
سونداي-اق قوستاناي وبلىسىندا «شەكاراسىز بالالىق شاق», «كىتاپتاردا دەمالىس جوق», باسقا دا تانىمدىق جيىندار ۇيىمداستىرىلادى.
تۇركىستان وبلىسىندا جازعى بالالار بايقاۋى, بيبليوپيكنيك, ۇيىرمەلەر وتەدى. بۇدان بولەك اباي وبلىسىندا جاز ايلارىندا 12 باعىت بويىنشا جوبا جۇمىس ىستەيتىن بولادى.
ال اقتوبە وبلىستىق كىتاپحانالارى كۆەست ويىندار, شەبەرلىك ساعاتى مەن «وقيتىن دوس ىزدەيمىن» جازعى وقۋ جوباسىن ۇيىمداستىرماق.
الماتى وبلىسىنىڭ كىتاپحانالارىندا كىتاپ كورمەسى, سۋرەت سالۋ بايقاۋى وتەدى. اتىراۋ وبلىسىندا «كىتاپپەن بىرگە وتكەن جاز» جوباسى ىسكە اسىرىلماق.
سونىمەن, وڭىرلەر بويىنشا ەڭ كوپ ءىس-شارا اقمولا, سولتۇستىك قازاقستان جانە قوستاناي وبلىستارىندا جوسپارلانعان. استانا, الماتى جانە شىمكەنتتە جاس وقىرماندار ءۇشىن 2000 ءىس-شارا ۇيىمداستىرىلادى. ال ۇلتتىق كىتاپحانا مەن ۇلتتىق اكادەميالىق كىتاپحانا, زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا 197 ءىس-شارا وتكىزەدى.
