سولتۇستىك قازاقستاندا ىشكى ساياسات باسقارماسىنا جاڭا باسشى تاعايىندالدى

استانا. 20 قاڭتار. سولتۇستىك قازاقستان وبلىسى اكىمىنىڭ وكىمىمەن سادۋاقاسوۆ جانات عابباس ۇلى ىشكى ساياسات باسقارماسىنىڭ باسشىسى بولىپ تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. جانات سادۋاقاسوۆ 1981 جىلى تۋعان, سولتۇستىك قازاستان مەملەكەتتىك ۋنيۆەرسيتەتىن «ينجەنەر-مەحانيك» ماماندىعى بويىنشا تامامداعان. ەڭبەك جولىن 2003 جىلعى قىركۇيەكتە «پەتروپاۆل اۋىر ماشينا جاساۋ زاۋىتى» اق-دا ينجەنەر-قۇراستىرۋشى بولىپ باستادى. 2007 جىلعى ساۋىردەن 2010 جىلعى ءساۋىر ارالىعىندا وبلىستىق كاسىپكەرلىك جانە ونەركاسىپ باسقارماسىنىڭ باس مامانى, سودان سوڭ ءبولىم باستىعى قىزمەتتەرىن اتقارعان. 2010 جىلعى ساۋىردە وبلىس اكىمىنىڭ باس ينسپەكتورى بولىپ تاعايىندالدى. ال 2011 جىلعى ماۋسىمنان باستاپ قازىرگى ۋاقىتقا دەيىن وبلىس اكىمى اپپاراتى باسشىسىنىڭ ورىنباسارى بولىپ قىزمەت ەتكەن. ايدار ورىسباەۆ. دەرەك: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى. سۋرەت: sko.gov.kz.