قىزىلوردا وبلىسىندا جاڭا باسقارمالار قۇرىلدى

استانا. 20 قاڭتار. قىزىلوردا وبلىسىنىڭ جەرگىلىكتى اتقارۋشى ورگاندارىندا بىرقاتار وزگەرىستەر ورىن الدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. وبلىس اكىمدىگىنىڭ قاۋلىسىنا سايكەس مەملەكەتتىك ساۋلەت-قۇرىلىس باقىلاۋ باسقارماسى, ۆەتەريناريالىق باقىلاۋ باسقارماسى, جەردiڭ پايدالانىلۋى مەن قورعالۋىن باقىلاۋ باسقارماسى جانە پرەزيدەنتتىڭ «بايقوڭىر» كەشەنىندەگى ارناۋلى وكىلىنىڭ قىزمەتىن قامتاماسىز ەتۋ باسقارماسى سەكىلدى جاڭا مەكەمەلەر قۇرىلدى. ال وبلىستىق سىرتقى بايلانىستار باسقارماسى وبلىس اكىمى اپپاراتىنىڭ قۇرامىنا قوسىلدى.  سونداي-اق, تىلدەردى دامىتۋ باسقارماسى, ءدىن ىستەرى باسقارماسى, جاستار ساياساتى ماسەلەلەرى باسقارماسى قىزىلوردا وبلىستىق ىشكى ساياسات باسقارماسىنىڭ قۇرامىنا كىردى. ال وبلىستىق مۇراعاتتار جانە قۇجاتتاما باسقارماسى مادەنيەت باسقارماسىنا قوسىلدى.  سونداي-اق, قىزىلوردا وبلىسىنىڭ قۇرىلىس باسقارماسى» مەملەكەتتىك مەكەمەسى وبلىستىڭ ساۋلەت جانە قالا قۇرىلىسى باسقارماسىمەن بىرىگىپ, قۇرىلىس, ساۋلەت جانە قالا قۇرىلىسى باسقارماسىنا اينالدى. جولدىباي بازار. دەرەك: قىزىلوردا وبلىستىق اكىمدىكتىڭ ءباسپاسوز قىزمەتى سۋرەت: spk-baikonur.kz.