كانديدات سىزدىقوۆ سايلاۋداعى داۋىسىن كوكشەتاۋدا بەردى

كوكشەتاۋ. 26 ءساۋىر. قازاقستان پرەزيدەنتتىگىنە سايلاۋعا قازاقستان حالىقتىق كوممۋنيستىك پارتياسىنىڭ ۇمىتكەرى رەتىندە قاتىسىپ جاتقان تۇرعىن سىزدىقوۆ داۋىستى كوكشەتاۋدا بەردى. بۇل تۋرالى egemen.kz ءتىلشىسى حابارلادى. پرەزيدەنتتىككە كانديدات كەشە وتباسى جاعدايىنا بايلانىستى شۇعىل كوكشەتاۋعا ءجۇرىپ كەتكەن ەدى. ول بۇگىن مۇندا تاڭعى 7-دە سايلاۋ ۋچاسكەسىنە كەلىپ, الدىڭعىلاردىڭ قاتارىندا داۋىس بەردى. تۇرعىن سىزدىقوۆ قالاداعى قوعامدىق تاماقتاندىرۋ كوللەدجىنىڭ عيماراتىندا ورنالاسقان №32 سايلاۋ ۋچاسكەسىنە كەلدى. بىراق جۇبايىنسىز, ءبىر ءوزى كەلدى. سەبەبى, ايەلى باسقا جاقتا پاسپورتتىق تىركەلىمدە تۇرادى ەكەن. ەسكە سالا كەتەيىك, تۇرعىن سىزدىقوۆ پرەزيدەنتتىككە كانديدات بولىپ قازاقستان حالىقتىق كوممۋنيستىك پارتياسىنان تىركەلدى. ول 1947 جىلى تۋعان. 1974 جىلى ماسكەۋدەگى جوعارى كومسومول مەكتەبىن بىتىرگەن. بۇدان باسقا, تسەلينوگراد اۋىل شارۋاشىلىعى ينستيتۋتىن تامامداعان. كوكشەتاۋ وبلىسى لەنينگراد اۋدانىنىڭ اكىمى بولدى, سولتۇستىك قازاقستان جانە اقمولا وبلىستارىندا مەملەكەتتىك قىزمەتتەر اتقاردى. سوڭعى جىلدارى وبلىستىق ءماسليحاتتىڭ ءبولىم مەڭگەرۋشىسى بولىپ ىستەدى. سىزدىقوۆ سايلاۋالدى كەزدەسۋلەرى كەزىندە سۇرالعان بولجامعا بايلانىستى: «بولجام دەگەن ءسۇت ساۋ ەمەس, بۇل ءونىمنىڭ شىعىمدىلىعىن ارتتىرۋ ەمەس», - دەپ جاۋاپ بەردى. باقبەرگەن امالبەك. دەرەك, سۋرەت: egemen.kz.